Ukaboni wa Chipangano chakale pa Yesu Khristu na Ufumu wake, Buku la Msambiri

/ 3 5

UKABONI WA CHIPANGANO CHAKALE PA YESU KHRISTU NA UFUMU WAKE

Layizgo ilo likaperekeka Chigaba chachibiri: Chigomezgo Chamwaka cha Mbuto ya Kuponoska

Rev. Dr. Don L. Davis

Fundo yikuru iyo yikukhwaska uvumbuzi wose wa Baibulo ndi Layizgo na Kufiskika kwake. Fundo iyi yikukhozga umoza wa Malemba, Chiuta wakukhumba kujivumbura na kuponoska banthu kwizira mu mphapu ya Mwanakazi mwene uyo wali kuperekeka kwizira mu layizgo la Abrahamu na mbumba yake. Mphapu iyi yili kufiskika mwa Yesu Khristu wa ku Nazareti. Vesi ilo likuyowoya mwakukhozga Layizgo la Chiuta mwakulongosora khumbiro la Chiuta ndi Vya mu Mtendeko 3:15 (protoevangelium). Apa Chiuta wakulayizga kutinkhana kwa pakati pa munthu na njoka (Satana). Mu Chipangano Chakare, Yesu wa ku Nazareti wakuvumbulika kuba mbewu yapadera yakufumira kwa Chiuta, mwene uyo wali kuperekeka na kupika mazaza gha kubwangandura mlimo wa Satana na kuwombora banthu kwa Chiuta. Phangano la layizgo la Chiuta kwa Abrahamu, ndi la kukhalilira na lakulutilira lakulazga kukuvumbukwa kwa mponoski. Mu phangano lake na Abrahamu, Chiuta wali kulayizga kupereka mphapu, mwene uyo wati wizenge na Chiponosko na kuwezgekeramo kwa banthu kwa Chiuta, mphapu ya Abrahamu na charu chose cha pasi. Mu Chipangano Chakare, Yesu wa ku Nazareti ndiyo wali kupharika kuti ndi mbewu/mphapu ya Abrahamu, wakuwombora na kuwezgereska banthu na chilengiwa chose kwa Chiuta. Ulato withu mu chigaba ichi, Chigomezgo Chamwaka cha Mbuto ya Kuponoska • Ulato ukuru chomene uwo ukugumanya mitu yose ya uvumbuzi wa Baibulo, mu Mazgu gha Chiuta, ndi layizgo na kufiskika kwake. Mutu uwu ukukhozga umoza wa Chipangano Chakare na Chipangano Chasono, ukukhozga khumbiro la Chiuta pakujivumbura iye mwene, kuwombora banthu bake, ndipo wachitenge ivi kwizira mu layizgo na phangano lene lilo wakapangana na Abrahamu na mphapu yake ndipo wakalifiska mwa Yesu Khristu wa ku Nazareti. • Buku ilo likuyowoya na vya layizgo la Chiponosko kakwamba mu Baibulo ndi Vya mu Mtendeko 3.15 ( protoevangelium) , Mu makani agha Chiuta wakulongora mu layizgo lake umo chiponosko chamkubira, mwakusazgirapo mphatukano pakati pa mphapu ya munthu na njoka (Satana), kupwetekeka kwa chitende cha mphapu ya mwanakazi ndipo mphapu ya mwanakazi wati waphwanyenge mutu wa njoka.

Chigaba cha chibiri, Mwaufupi

1