Ukaboni wa Chipangano chakale pa Yesu Khristu na Ufumu wake, Buku la Msambiri

/ 4 7

UKABONI WA CHIPANGANO CHAKALE PA YESU KHRISTU NA UFUMU WAKE

³ Vyakulondezgapo vya fundo iyi ya kupharazgika kwa uthenga wa chiponosko kakwamba ( protoevangelium) kuli pakweru na kwakupanikizgikira. Ndikuti, ivi vikusazgirako fundo yakuti Chiuta wati waperekenge ku banthu mponoski kwizira mu mwanakazi mwene uyo wati waphwanyenge mutu wa chinjoka. Mu Chipangano chasono, Yesu wa ku Nazareti wakuvumburika kuba mbeu ya mwanakazi mwene uyo wali kuphakazgikira ku mulimo wakuphwanya mutu wa chinjoka na kuponoska banthu. ³ Phangano la Yahweh ilo wali kupangana na Abrahamu lili mu wuvumbuzi wa Chiuta wakulutilira wene wuwo ukugota mwa Yesu Khristu. Mu phangano lake na Abrahamu, layizgo ili likupanikizga kuba mbuto ya Abrahamu mwene uyo wati wizenge na kuponoskeka na kuwezgekeramo kwa banthu ba Chiuta pera chara (Mphapu ya Abrahamu), kwene pakuba thumbiko ku vyaru vyose. Mu chipangano chasono, Yesu wa ku Nazareti wakupharika pakweru kuba mbuto ya Abrahamu, mwene uyo kwizira mwa Abraham, mphapu yake, na mbumba yose pa charu chapasi bati batumbikikenge.

1

Nkhusanga Fumu yane mu Baibulo

Mu Baibulo nkhusangamo Fumu yane, pali pose apo nkhubazga, nkhuyiwonapo, Ndiyo ni mutu wa Baibulo, ntchindamira ya buku lose; Ndiyo ndi luba la fundo liweme, luba lakutowa fikepo, Pose apo nkhujura Baibulo lane, Fumu ya Buku yikuwonekapo.

Iye ndiyo, pakwambilira pa Baibulo, charu wakachipa kabiro, Ndiyo ndi Ngalaba yakubisamamo, umo mayigha ghakofya ghakuchetamiskika, Chivwati chakugolera moto mu chiparamba, maruba yakupantha pa ndodo Aaroni, Pose apo nkhulabiska mu Baibulo, nkhowona mwana wa Chiuta. Mwana mberere pa phiri la Moriya, makwelero ghakufuma mucharu kuluta kuchanya, Mkhuzi wa dangazi uwo wakaukaka Rahabu, njoka ya mkuba iyo wakayikwezga Mosezi Libwe lakufumiska maji muchiparamba, mliska mwene uyo wali na ndodo na nthonga,