Ukaboni wa Chipangano chakale pa Yesu Khristu na Ufumu wake, Buku la Msambiri

/ 6 7

UKABONI WA CHIPANGANO CHAKALE PA YESU KHRISTU NA UFUMU WAKE

Kasi tikwenera kuba na kabiro wuli panthowa yakatanthauliro aka, chomenemene pakuwona kuti banthu bakuyipa ching’anamurao icho chiliko chara? Kasi tingayisuska na kuyikana kuti ndi nthowa yambura kwenelera? Chomenemene usange tikuwona kuti Yesu Pamoza na Bapostole bakayitebeteska pakutanthaulira Chipangano Chakare pakuwoneska Yesu wa ku Nazareti kwizira mu vizgezge na banthu ba mu Chipangano Chakare?

Kasi Mpherekezgo yili mphani?

Buku la Baheberi mu Chipangano Chasono, kubanthu banandi ndilo likupereka kwenelera kwakutebeteska vizgezge na vyakwimira Yesu mu Chipangano Chakare pa mlimo wake wakuponoska charu. Bakusanda Chipangano Chakare pa makani agha, usange bakulabiska viyerezgero/vyakwimira ivyo vikuperekeka pachisopo cha muchihema, sembe, basofi, na banthu ba muchipangano chakare bakuwona kuti vyose vikulongora Yesu Khristu na mlimo wake na mbiri ya Israyeli. Yesu wakuwoneka mu kalata wa ku Baheberi, mwakudidimizgapo, kuti ndiyo ndi thupi leneko na vyenekoneko vya ivyo vikaba waka vimanyikwiro na vizgezge kwizira mu vinthu na banthu muchipangano chakare. Nanga ndi awo bakutebeteska nthowa iyi, ndipo wuli, nawo bakukhwaskika na suzgo likuru lakuti: kasi munthu wangaleka wuli kuwona kukhwaskana na kubambikizgana pa makani ghakukhwaska Mponoski mu chizgezge chili chose , chinthanguni, na nkhani mu Chipangano Chakare? Kasi nthowa iyi yikutipa ise kwenerezga kufumba vili vyose mu chipangano chakare na khumbiro lakumuwona Yesu mukati mwake mwa chipangano ichi? Usange ndi ntheura, kasi tingajithaska wuli kukutanthaula Chipangano Chakare kwambura kwenelera, apo tikukhumba kumuwona Yesu muchipangano chakare mumakani, vizgezge, uchimi, panji muvyakuchitika?

3

2

Layizgo likungweruskika Chigaba Chakwamba: Mbiri ya banthu ba Chiuta nga ndi Mzgezge na Vyakuyimira vinthu

CHISAMBIZGO

Rev. Dr. Don L. Davis

Ching’anamuro cha Mzgezge ndi chinthu, vyakuchitika, chikozgo panji vyakuchitika ivyo vikulongora vyamnthazi, kufumira mu Chipangano Chakare ndipo vikuwoneka mu Chipangano Chasono, chomenemene vikudunjika pa Yesu Khristu (kuba mweneko wakufiska). Kusanda Chipangano Chakare kwizira mukuwona vinthu, nkhani, banthu, vyakuchitika ivyo vikulongora vya munthazi

Chigaba chakwamba: Chisambizgo mwaufupi