Ukaboni wa Chipangano chakale pa Yesu Khristu na Ufumu wake, Buku la Msambiri

8 8 /

UKABONI WA CHIPANGANO CHAKALE PA YESU KHRISTU NA UFUMU WAKE

c. Vipinda vibiri ivi vikapaturika na katani yapadera chomene, ndipo ghakaba malo ghakupaturika ndipo ghakaba maro ghakuwaro kwa Chihema.

5. Kukaba geti limoza pera lakunjilira muchigaba chakuwaro, Kufuma 27.16-17 (Khristu yekha ndiyo pera nthowa yakunjilira mu ubare na Chiuta Dada, Yohane 14.6).

6. Nga ntchihema chakupangika na ulato wakufikira kwa Chiuta (pakuti kulijeso nthowa yinyake yakumufikira Chiuta), ntheura Yeus wali kujura nthowa yakulutira kuba Dada Chiuta kwa munthu wali yose kwizira mukuthiska ndopa zake pa mphinjika Baheberi 10.19-20.

2

Chihema chakusoperamo nga ndi chilongolero cha kabiro ka Utozi wa Chiuta

Chihema chikulongora kabiro ka Chiuta, ako nkhakuti Chiuta ndi mtuba ndipo ngwambura kufikirika. Jotchero, vyakubenekelera, saru zakujara pa miryango ya vipinda, vikujara nthowa yakunjilira kuchipinda chakupaturika uko kukamanyikwanga kuti ndiko kukukhara Chiuta. Pakabavye munthu uyo wakazomerezgekanga kunjira kuchipinda chakupaturika ichi kupaturako Msofi mlara, mwene uyo nayo kuti wakanjirangako kamoza pachirimika, panyengo ya chisopo chakupaturika pera. Panyengo iyi wakabanga wakupaturika kuzakwananga zake na kukususkika na dango kwizira mu ndopa izo wakamijanga na kulapuskira banthu kufumira pa chizumbe cha uchizi (Bina Levi 16). Banthu wose awo baswa dango la Chiuta lili lose bakawofyekanga na nyifwa (Kufuma 19.12-13, 21-25). Nanga mba Sofi nawo bangamanya kufwa usange bakutondeka kulondezga marango gha Chiuta (Kupenda 10.1-2; Bina Levi 22.9; 16.2; Kufuma 30.21). Bali pa chofyo cha nyifwa chomenechomene apo bakunjira muvipinda vyamkati vya chihema chakusoperamo. Msofi mulara wakwenera kupwelelera chomene apo wakutebetera Chiuta mu Chihema Chakusoperamo. Wakwenera kulabiska chara pa chakubenekelerapo cha vyakupaturika vya vitebetero vya kumaro ghakupaturika (Bina Levi. 16.13). Kufumira mumarango na midauko iyi, Chiuta wakurongora Chitemwa chake icho chilipo pakati pa Chiuta Mwana na Chiuta Dada. Chihema ndi Mzgezge wa Yesu Khristu. Kufumira mu buku lakulembeka na Vern Poythress. The Shadow of Christ in the Law of Moses . Phillipsburg, NJ: P & R Publishing, 1991, pp. 12.