Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

2 2 6 /

UKABONI WA CHIPANGANO CHAKALE PA YESU KHRISTU NA UFUMU WAKE

mumgonezi wa 21 ndiposo chiKhristu nacho ndimo chendera. Mukendero kithu sono kuti tili na kachitiro ka chiYuda chara muvinandi. Nkhuwona chara icho mukukhumba kufiska. Kasi imwe mukuwona chara ivi vili kujumphapo ndpo vili kumara, tikwenera chara kulabiskaso pa chiYuda.” Usange imwe mukaba muliska uyu, mukati mubazgore kuti wuli balara ba Mpingo aba kwakuyana na kalabiskiro kawo pa makani gha chiponosko na umo Chiuta wali kughasanuzgira kuyakakhwaska banthu ba mtundu kuno kulero? Kubazga na kusanda mwa lwana uchimi wa Mesiya kufumira mu chipangano chakare kukulongora kuti Chiuta wali kusanuzga layizgo la uchimi na phangano ilo wali kupereka kwa Abrahamu mwakuti uli kukhwaska banthu bamtundu, kubanthu wose awo bakupulikana na Yesu Khristu kuti ndi Mesiya. Nthowa zitatu izo chipangano chasono chikutebeteska chipangano chakare pakupanikizgira kuti Yesu ndiyo ndi Mesiya ndi izi, 1) Kulongosora uko Yesu wali kuchita pamakani gha uchimi wa Mesiya wa muchipangano chakare, wakalongora kuti Chipangano chakare chikuphara na vya iyo, 2) Chisambizgo na Upharazgi wa Bapostole uwo ukusangika mu buku la Milimo, vikuphara pakweru kuti Yesu Khristu wa ku Nazareti ndiyo ndi Mesiya 3) Mpingo umo wuli kutebeteskera chisambizgo na upharazgi wa Bapostole ukuchitira ukaboni kuti Yesu ndiyo ndi Mesiya kwakuyana na umo bakapulikiskira chisambizgo cha Yesu Khristu na ivyo Chipangano chakare chikasambizga pa makani gha Mesiya. Chiuta wali kusanuzga layizgo la chiponosko chake na chitumbiko icho wakachipereka ku banthu kwizira mwa Abrahamu mwakuti chili kukhwaska banthu wose ba mucharu. Mu mugonezi na muwiro wasono, Chiuta wali kubika pakweru mnthondwe uwo ukabisika kale lose ndipo sono wali kuwuvumbura kwizira mu zintchimi na bapostole, ndipo uvumbuzi uwu ngwakuti banthu bamtundu bali kusazgikiramo mumakani ghachipnosko cha Chiuta ndipo mbahaliri ba vyamchindindi vya Chiuta. Vimanyikwiro vyakusazgikirako kwa banthu bamtundu vikawoneka kwizira muzintchimi mu malemba ghose, mwachiyerezgero, upharazgi uwo Chiuta mweneko wakapereka mu Vya mu Mtendeko 3:15 ( protoevangelium) nakutiso Chiuta wati watumbike banthu ba mucharu wose kwizira mwa Abrahamu. Katebeteskero ka Bapostole ka uchimi wa Mesiya kufumira mu Chipangano chakare, mukusambizga na kupharazga kwawo nga ndi umo vili kulembekera mu buku la Milimo na mu kalata ghawo vikulongora kapulikiskiro kawo kakusazgako banthu ba mtundu ku chiponosko cha Chiuta ako Chiuta wakanozgera pa kuponoska vyaru vyose muchipulikano. Apa chikulongora kuti Chiuta wali kufiska waka laghizgo lake la kuponoska banthu ba mphapu ya Abrahamu pera chara kwene kuponoskaso banthu bamitundu yose.

Kulongosora fundo ya chisambizgo

peji 361  5

4