Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

/ 3 4 1

UKABONI WA CHIPANGANO CHAKALE PA YESU KHRISTU NA UFUMU WAKE

Layizgo likungweruskika

Vyakulemba vyamsambizgi 2

Tampokelerani ku visambizgo vyakovwira Msambizgi, chisambizgo chachibiri Layizgo likungweruskika . Ulato ukuru chomene wa chisambizgo ichi ngwakupereka ungweru pa laghizgo la Chiuta ilo likaperekeka kwizira mu mbeu, pose pabiri “mbeu ya mwanakazi” (Vya mu Mtendeko 3.15), na mbeu ya Abrahamu (Vya mu Mtendeko 12.1-3). Fundo ya Mzgezge nga ndi nthowa yakwenelera pakubazga na kusanda Mazgu gha Chiuta, yikususkika na basambiri ba Mazgu gha Chiuta banji pachifukwa chakuti yikuwoneka ngati kuti njakusuzga kuyipokelera. Suzgo ili likwiza chifukwa chakuti bapapi awo bakalondezga ndondomeko za kubazga na kusanda Mazgu gha Chiuta bayitebeteska chara pa kasandiro ka Mazgu gha Chiuta. Pakutondeka kupambaniska pakati pa Mzgezge na Vyamchindichindi, nanga ndi bakugomezga banji bakuwona kuti ndi vinthu vyakusuzga kuvipambaniska ndipo vikuchemeska masuzgo. Nanga wuli tikwenera kuzomerezga kuti nthowa iyi usange yatebeteskeka mwa ujira yingamanya kwiziska masuzgo na nthimbanizgo kwene ntchambura machitiko kuyirekerathu chifukwa Yesu na Bapostole bakayitebeteska ndipo tili na ukaboni ukuru kufumira mumalemba. John E. Alsup wakupereka ntchisko ku banthu kuti balutirizge kuyitebeteska nthowa iyi: “Mzgezge” ndi nthowa iyo yasangika kuti ndi nthowa yakutanthaulira Mazgu gha Chiuta yeneiyo yikukhwaska ndondomeko izo zikulabiska pa kachitiro ka Chiuta pakusankha banthu, vyakuchitika, mawupu awo bakawoneska na kutorapo lwande pa ndondomeko ya Chiponosko” (Achtemeier International Dictionary of the Bible, Supplemental, 926). Paulosi wakulongora jando la kutanthaura Mazgu gha Chiuta apo wakuyowoya kuti “Chidiko” cha Mozesi chichali chindabenurike ndipo ntchakubisirizga vinthu na kutondeska banthu kupulikiska makora uchizi wa Chiuta pose apo banthu bakubazga Chipangano Chakare, ndipo nkhwizira mwa Yesu Khristu yekha apo chidiko ichi chingamanya kufumiskikapo. Ndipo nadi na lero wuwo, pose apo banthu bakubazga nkhani ya Mozesi, chidiko chikukhalira pa iwo na kubatondeska kupulikiska ivyo Chiuta wakuyowoya, kwene usange bakubazga makani gha Yesu ndipo chidiko chikuwuskikapo pa iwo, ndipo bakwamba kupulikiska makora laghizgo la Chiuta ndipo Malaghizgo ghose gha Chiuta ghakusanga kuzomerezgeka mwa iyo (Khristu)” (2 Bakorinto 3.14 16; 1.20). Jando ili likulongora umoza uwo ulipo pakati pa Chipangano chakare na Chipangano Chasono na kuchitachita kwa Chiuta pakubikapo chiponosko pa banthu wose. Mwantheura yikusachizga ching’anamuro cha Chipangano chakare

 1 Peji 59 Jando la Chisambizgo