Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

3 5 2 /

UKABONI WA CHIPANGANO CHAKALE PA YESU KHRISTU NA UFUMU WAKE

7. Londezgani ulongozgi wakufumira muchipangano chasono pakupenjerezga Mizgezge. Chipangano chasono chikulongora kuti Chihema na kwenda mu Mapopa uko bakenda bana ba Israyeli ndi vigaba vibiri vikuruvikuru vya Mzgezge na Mfiski. 8. Mungachichizganga vigaba vibiri kuti mpakampaka viyane chara chifukwa kanandi kanandi vikupereka waka suzgo. Mizgezge ndi makani agho ghaphalikirathu kwakuyana na vyamthazi ivyo vikuwoneka mu mbiri. Yezgani kupatura ivyo ndi vya kuchitika waka kwambura munthondwe na vinthu ivyo vili na chakwimira mu umoyo na muvyakuchitika. ~Ibid. Padera pa masachizgo ghakufumira kwa Karleen na banyake pamakani gha Mizgezge na umo tingaghatebeteskera, chisambizgo ichi chilabiskenge chomene pa ubare wawo na ukaboni wa Yesu Khristu, kwambura kulabiska pa mlimo wa Mizgezge mwachisanisani. Icho panji chibenge pakweru chomene kwa imwe na basambiri binu ntchakuti Chipangano Chasono chikutebeteska Mizgezge ya muchipangano chakare pakutanthaula Mazgu gha Chiuta pa kuphara na za Yesu Khristu ndipo ichi ndicho ntchinthu chakuzirwa chomene pa makani gha Mzgezge, na kukoleranako kwa mapangano ghose ghabiri. Tikukoreska fundo yakuti Yesu Khristu ndiyo ndi mutu wa Baibulo lose ndiposo kuti ubare uwo ulipo pakati pa Chipangano chakare na Chipangano chasono ukulongoreka kwizira mukutebeteska banthu awo ndi Mizgezge ya Yesu Khristu nga ndi umo Yesu na Bapostole bakalongolera pakutebeteska kwawo Chipangano chakare. Yezgani kovwira basambiri kuti bakoreske fundo iyi muchisambizgo chose ichi. Tiyowoyeso kuti, makani agho ghali muphepete mwa buku ghakwenera kutebeteskeka pakughalabiskaso kabirikabiri apo mukuweleramo chisambizgo ichi. Fundo izo Young na Hurty bali kulemba ndi zakuzirwa chomene ndipo ndizakukhumbikwa kuti tizilabiske mwakufwasa chifukwa bali kufufuza makora na kusanga kuti Mapangano ghose ghabiri ngakuzirwa mukukoleranako kwawo. Labiskani makora ivyo bali kuyowoya, Pamoza na basambiri binu, apo mwamara kulabilira vidiyo.

 3 Peji 133 DeYoung na munyake, Hurty Qoute