Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

/ 3 5 1

UKABONI WA CHIPANGANO CHAKALE PA YESU KHRISTU NA UFUMU WAKE

Icho tikukhumba kuti basambiri bachite muchisambizgo ichi ntchakuti bamanye kusanga na kuyaniska kukoleranako uko kuliko pakati pa vyakuchitika, banthu na milimo yawo muchipangano chakare na umoyo, utebeti na kabiro ka Yesu Khristu wa ku Nazareti, mweneuyo banthu banandi awo basanda Mazgu gha Chiuta bakumuwona kuti ndiyo ndi Mesiya. Nkhwantha pakusanda Mazgu gha Chiuta Karleen wakupereka maghanoghano ghake pakusanga Mzgezge, mwantheura: 1. S angani chinthu panji banthu mu chipangano chasono awo bakusangika kuti bali na machitiro ghakuyana na vyakuchitika muchipangano chakare. Nyengo zinyake banthu aba panji vinthu ivi vingamanya kusangika na lizgu lakuti ( tupikos) kung’anamura kuti chiyezgerero “chakwimira chinthu,” 1 Bakorinto 10.10),( tupos) (“Mzgezge,” “Chiyezgerero,” “Luso,”Baheberi 8.5), ( skia) Chizgezge “Chakudangilira,” Baheberi 8.5; Bakolose 2.17). 2. Penjerezgani kuwoneka kwakukoleranako pakati pa Chipangano chakare na Chipangano chasono. Kasi makani ghakulongora woko la Chiuta mukulongozgera banthu mu mbiri yake? 3. Chigaba cha Chipangano chakare chikwenera chakuwoneka na cha kupulikikwa makora mu mbiri, nga ndi umoso kukwenera kubira muchipangano chasono, Mfiski. 4. Fumbani usange umoza pakati pa Mzgezge na Mfiski ndi vyakuzirwa pakupereka ungweru pa visambizgo vya Baibulo kuchigaba chinyake cha Mazgu gha Chiuta. Panji tiyowoye kuti, mukwenera kuzgora fumbo lakuti kasi ntchakwenelera panji ntchinthu chambura chanduro? 5. Muleke kuzenga visambizgo vyakuzirwa chomene pa vinthu vyambura kuzirwa chomene. Mizgezge ndi vinthu vyakuzirwa chomene kwene mukabiro kake ndi vinthu vyakubungirizgika chomene, ndipo ntchipusu chomene kutondeka kuwona kuzirwa kwake na kulabiska chomene vinthu vichokovichoko ivyo panji palije pa chipaturo panji makani ghara. Muvitebeteske pakulabiska chomene umo mungasangira ungweru kuchigaba chinyake cha Mazgu gha Chiuta. 6. Chenjerani chomene kuti muleke kuwona Mizgezge pali pose. Banji bataya nyengo pakulabiska pa Mizgezge nakutondeka kuwona uthenga weneko wa Baibulo.