Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

/ 3 5 5

UKABONI WA CHIPANGANO CHAKALE PA YESU KHRISTU NA UFUMU WAKE

Layizgo likusanuzgikira charu chose

Vyakulemba vyamsambizgi 4

Tampokelerani ku chisambizgo cha Msambizgi chachinayi, Layizgo likusanuzgikira charu chose. Ulato wa chisambizgo ichi ngwakovwira basambiri bawone uchimi wa Mesiya muchipangano chakare munthowa zibiri. Chakwamba, pakuwona ukaboni wa chipangano chakare pa umoyo, utebeti wa Yesu Khristu wa ku Nazareti, chachibiri, umo ukaboni uwu ukulongolera ndondomeko ya chiponosko ya Chiuta iyo yikusazgako banthu bamtundu. Nthowa zose zibiri izi, uchimi ukurongora Mesiya na uchimi ukulongora ndondomeko ya Chiuta pachiponosko cha banthu wose, vikusanuzga kaghanaghaniro kithu ka chiponosko cha Chiuta pa banthu. Kwakuruska kuti tiwone Chiuta kuba wa banthu ba mtundu wa Israyeli pera, tikumuwona kuti ngwa banthu wose ndipo ndimo iyo mweneko wali kuvinozgera mu ndondomeko yake. Yesu Khristu ndi Fumu ya banthu wose, baYuda na bamtundu. Kulabiska pa malaghizgo gha Chiuta na kupulikiska kuti chiponosko ntchabanthu wose ndiwo mbulato wa chisambizgo ichi. Uchimi ngwakuzura mukatebeteskekero kake, mu chipangano chakare na chasono wuwo ndipo NT. E. E. Ellis wakuphara mwaufupi fundo iyi: Uchimi ungapharika kuti ndis (1) nthowa yakumanyira unenesko; ndipo mwantheura, ungayaniskika na kaghanaghaniro kabanthu ndipo mukabiro kake mu Baiburo (2) ukupanga fundo za visambizgo vya Baibulo vya Mzimu Mtuba ndipo ukuperekeka nga ndi (3) nthowa yimoza ya uvumbuzi wa unenesko wa Chiuta mwa usaniusani, uzali wa uvumbuzi. Uchimi ungawoneka kuba visambizgo vya kufumira kwa Chiuta kufumira mu Baibulo kweniso ku banthu waka. Banthu ba vinjeru nawo bakatorekanga kuba vibo vyakwiziramo uchimi wa Chiuta ndipo vyakuyowoya vyawo vikatorekanga nga ndi umo ntchimi zikachimiranga. ~E. E. Ellis. “Theology of Prophecy.” The New Dictionary of Theology . (Electronic ed.). S. B. Ferguson, ed. Downers Grove, IL: InterVarsity, 2000. pp. 537-538. Kabiro na mphambano za kiziro ka uchimi navyo ndi vyakuzirwa chomene, kwene chakuzirwa chomene ndi umo bakadunjikizgiranga uchimi wawo pa kwiza kwa Mesiya, mweneuyo tikumanya kwizira mwa Bapostole kuti ndi Yesu Khristu wa ku Nazareti. Kuzirwa kwa uchimi wa Mesiya wa muchipangano chakare uli pa kupereka vimanyikwiro vya Mesiya, umo wizamkubira mu utebeti, umoyo na milimo yake. Chakukhwaskana chomene na makani agha ndi mlimo wake wakuponoska banthu wose ba mucharu, baYuda pera chara. Mavesi agha ndi viyerezgero waka vya mavesi ghanandi waka agho ghasolekapo kufumira

 1 Peji 177 Jando La Chisambizgo