Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

3 5 6 /

UKABONI WA CHIPANGANO CHAKALE PA YESU KHRISTU NA UFUMU WAKE

mu Baibulo agho ghakutipanikizgira pa makani gha uchimi wa Mesiya, umo wizamkuchitira mlimo wake, kabiro kake, na umoyo wake ku charu: Masalimo 2.8 Undirombe, ndipo nditi ndizgore ŵamitundu kuŵa chiharo chako, charu chose cha pasi kuŵa chako na chako. Masalimo 22.27-28 – 27 Ŵanthu ŵa ku mphelerekezgo zose za charu, ŵati ŵakumbuke na kuzgokera kwa Fumu. Mbumba za mafuko ghose, zisope panthazi pinu. 28 Pakuti mazaza gha ufumu nga Fumu, ndipo iyo ndiyo yikuwusa ŵanthu ŵa mafuko ghose. Masalimo 72.8-11 - Wawusenge kufuma ku nyanja, kuya kafika ku nyanja yinyakhe, kufuma ku mronga mpaka ku mphererekezgo za charu. 9 Ŵanthu awo ŵakukhara mu mapopa ŵati ŵamulambirenge, ndipo ŵarwani wakhe ŵati ŵamyangenge fuvu. 10 Ŵakaronga ŵa ku Tarishishi na ŵa virwa, ŵizamkupereka mithulo kwa iyo. Ŵakaronga ŵa ku Sheba na ŵa ku Seba, ŵamuyegherenge vyawanangwa. 11 Ŵakaronga wose ŵamulambirenge, mafuko ghose ghamuteŵeterenge. Masalimo 86.9 - Mafuko ghose gha ŵanthu agho muli kulenga ghamkwiza na kusindama panthazi pinu, Mwe Fumu, ndipo yizamkuchindika zina linu. Masalimo 96.7 - Perekani kwa Fumu, mwe mbumba za ŵanthu, perekani kwa Fumu nchindi na nkhongono. Masalimo 98.3 - Yakumbuka chisungusungu chakhe, na kugomezgeka kwakhe pa ŵaIsraele. Ŵanthu wose ŵa ku mphererekezgo za charu, ŵawona kuvivya kwa Chiuta withu. Masalimo 102.15-22 - Ŵamitundu ŵati ŵachindike zina la Fumu, ŵakaronga ŵa pa charu cha pasi nawo ŵati ŵachindike uchindami winu. 16 Fumu yiti yiwuzengeso msumba wa Ziyoni, ndipo yiti yiwoneke mu uchindami wakhe. 17 Yiti yizgorenge lurombo lwa musokwano, ndipo yiti yiyuyurenge kuŵeya kwawo chara. 18 Ivi vilembeke chifukwa cha miwiro yinyakhe iyo yikwiza, mwakuti awo ŵachali ŵandababike nawo ŵazakarumbe Fumu. 19 Iyo yikalaŵiska pasi kufumira kuchanya ku malo ghakhe ghakupatulika. Inya Fumu yikalaŵiska pa charu cha pasi kufumira kuchanya, 20 kuti yipulike mutampho wa ŵakayidi, na kusutula