Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

3 5 8 /

UKABONI WA CHIPANGANO CHAKALE PA YESU KHRISTU NA UFUMU WAKE

Chakuzirwa chomene muchisambizgo ichi ntchakuzirwa kwakuyowoya mwakufikapo na mwakupanikizga za kwiza kwa Mesiya, wakuphakazgika wa Chiuta kweniso kubenurika kwa mnthondwe wa chiponosko cha Chiuta weneuwo ukusazgako kuponoskeka kwa banthu ba mtundu. Ulato wa chisambizgo ichi ukukhora na fundo ya uchimi wa Mesiya, kwiza kwa Mesiya, na kubenurika kwa ching’anamuro cha phangano la Chiuta kwa Abrahamu ilo likusazgirako banthu ba mtundu kuchiponosko cha Chiuta. Nga nkhaluso, utebeti winu nga ndi musambizgi ngwakudidimizga fundo izi kwizira muchisambizgo ichi, chomenemene munyengo za kudumbirana na munyengo za kusambira. Usange mukutora nyengo kulongosora fundo izi kubasambiri, mukupereka ungweru ukuru chomene kubasambiri na kubavwira kuti bapulikiske chisambizgo. Chisopo ichi chikulabiska pa uchimi wa kusazgikirako kwa banthu bamtundu kuchiponosko cha Chiuta. Mu Baibulo mazgu ghakuti banthu bamtundu ghakung’anamura kuti banthu awo mbamitundu yili yose iyo nja chi Yuda chara. Muchipangano chasono banthu bamtundu bakaba banthu awo bakaba banthu bamitundu yakupambana pambana yeneiyo mbamtundu wa chi Yuda chara. Chipangano chakare chikawonanga banthu bamtundu pakuba banthu awo mbambura kufumira mu mphapu ya Abrahamu (Marango gha Chibiri 10.19), ndipo Chiuta wakachiskanga bana ba Israyeli kuti bachitirenge lusungu banthu ba mtundu usange bali pakati pawo nga ndi umo nawo bakapokera lusungu apo bakaba balendo (Kufuma 23.9). Makani ghanyake mumalemba ghakulongora ubare uweme uwo ukabapo pakati pa ba Yuda na banthu bamtundu. Mwachiyerezgero, banthu ba mucharu cha kenani (chomenemene bana ba Rahab) bakatoreka kuba bakuzirwa chomene (Beruzgi, 1.16; 5.24; Yeremiya 35). Uriya mu Hiti wakuwoneka kuba munthu uyo wakakomwa na kufwa munkhani ya Davide na Bathsheba, mweneuyo wakaba chinkhara munkhondo (2 Samuweli 11), Araunah mu Jebusite wakaba wakuzirwa chomene mu msumba wa Yerusalemu, ndipo Ittai wa ku Gittite wakaba mulara wankhondo, wakudangilira wa Fumu Davide (2 Samuweli 18.2). Banthu ba mtundu bakachimbiliranga ku charu cha Mtende nga ndi umo bakachitiranga ba Yuda (Kupenda 35.15), kweniso munyengo zinji bakabanga na bazga ba

 2 Peji 180 Chisopo