Ukaboni wa Chipangano chakale pa Yesu Khristu na Ufumu wake, Visambizgo Vya Mlongozgi

/ 3 5 9

UKABONI WA CHIPANGANO CHAKALE PA YESU KHRISTU NA UFUMU WAKE

chiYuda (Bina Levi. 25.47). bakeneranga kupika malipiro ghakwenelera (Marango gha Chibiri 24.15), bakaharanga charu cha Isirayeli (Ezekiyeli. 47.22-23), ndipo Josephus wakusachizga kuti bakazomerezgekanga kupereka sembe kwa Chiuta mu Tempile la Chiuta ku Yerusalemu (kwakuyana na vyakulemba vya Josephus [pakulabiska pa Levi 22.25 e.g., Ant, XI, viii, 5; Ant., XIII, viii, 2; Ant., XVI, ii, 1; etc.]). Ivyo tikuwona sono muchipangano chakare kwakuyana na makani gha Mesiya ntchakuti uyo ngwakuphakazgika na Chiuta kuponoska banthu bake ndiyo wati wizengeso na ukweru kuvyaru vyose, mweneuyo wati wabikenge vyaru vyose Pamoza kwa Chiuta kwizira mundopa zake. Chigomezgo cha Mesiya chikuwonekera, mwantheura, kuti ntchamtundu wumoza pera wa banthu chara kwene ntchabanthu wose ba mucharu chapasi ndipo banthu wose bapokerenge chiponosko kufumira kwa iyo (Gen. 12.1-3). Kutondeka kuwona Mesiya kuti ngwa tabanthu tose pacharu chapasi, kukwiza chifukwa chakutondeka kupulikiska ivyo Mazgu gha Chiuta ghakusambizga kwakuyana na utebeti na mlimo wa Yesu Khristu, nanga wuli pajumpha nyengo kufumira kukufwa na kuwuka kwake (chiyerezgero cha Cornelius mu Milimo 10-11, na mphara ya bakupulikana mu msumba wa Yerusalemu Milimo 15). Leland Ryken wakuyowoya makani agha mwaufupi ndipo wakuti: Kukuba ngati nkuwezgera nyuma kwa mwabi uko Chiuta wali kuchita pakupereka chiponosko ku banthu ba mtundu kwizira mwa Yesu Khristu, Chiuta wazgoka kuba Chiuta wa banthu bamtundu (Baroma 3.29), mweneuyo wakubachema kuba banthu bake (Baroma 9.24-25). Banthu awo bakaba bambura kupendeka panthazi pa Chiuta ndiwo sono Chiuta wabachemera kumweneko ndipo Israyeli wakubachitira sanje (Baroma 11.11). Banthu bamtundu sono bazgoka banthu bakupulikira Chiuta (Baroma 15.18) ndipo bakugabana vitumbiko vya uzimu na baYuda (Baroma 15.27). Banthu ba mtundu sono banjira mu wupu na mu mbumba ya Chiuta iyo njakumurumba Chiuta myirayira (Baroma 15.9-11), bahaliri ba uchindami wa Chiuta. Nga mbalendo mu chiharo cha bina Israyeli, balendo kulaghizgo la chiponosko, ndipo banthu bakaba kutari na Chiuta sono basazgikirako kuchiponosko cha Chiuta ndiposo ndi mawe ghamoyo ghakkuzengera nyumba ya Chiuta (Baefeso 2.11-22). Mu milimo ya Bapostole tikusanga kuti Chiuta wali kupungulira Mzimu Mtuba ku