Ukaboni wa Chipangano chasono pa Yesu Khristu na Ufumu wake: Buku la Msambiri

8 0 /

UKABONI WA CHIPANGANO CHASONO PA YESU KHRISTU NA UFUMU WAKE

* Yesu wa ku Nazaretii wali kufiska malaghizgo gha Ufumu wa Chiuta kwizira mwa Yesu Khristu, ntheura muwunenesko wose, ufumu wa Chiuta wuli kwiza. Kasi chisambizgo ichi chikung’anamurachi ku utebeti withu? Kasi pali vimanyikwiro vyakulongora kwiza kwa Ufumu wa Chiuta muchikaya chinu? Vikuwoneka wuli? * Kasi visambizgo vyakuti Mkhristu wakwenera chara kusuzgika, kulwara, kukavuka panji kusangana na kutondeka, vikukoleranako wuli na kukanika kwa Yesu Khristu pa umoyo na utebeti wake? * Muwunenesko, ufumu wa Chiuta wuli kwiza pakati pithu, kweni ngwambura kufiskika (ufumu wakufiskika kwene uchali undafiskikirethu). Kasi pali vichi ivyo ufumu wa Chiuta wizamkufiska usange wizirathu apo Yesu wakwizaso kachibiri? * Kasi utebeti wa mipingo yikulutirizga wuli kuwoneska Yesu Khristu wa ku Nazareti na umo wali kufiskira ufumu wa Chiuta kwizira mukutonda kwake uko wali kutonda Satana, nthembo na milimo ya mchisi? Pakuti ufumu wa Chiuta wuli kwiza, kwizira mwa Yesu Khristu, vikuphara pakweru umo bakupulikana kweniso mpingo bakuchitira na Satana. Chifukwa chakuti mlimo wa Yesu pa mphinjika, bakupulikana bakukakikaso na Satana chara; kutonda kuli kwiza na Yesu ndipo kukusangika kwizira mwa Yesu Khristu. Kutonda uku nkhwa wali yose uyo wakupulikana na Yesu na mlimo wake uwo wali kuchita pa kumazga nthembo zose pa mphinjika (1 Yohane 3.8; Baheberi 2.13ff; Yakhobe 4.7; 1 Yohane 5.4; Baefeso 6.10-18; 2 Bakorinto 10.3-5). Kasi pali unenesko wuli pa fundo yakuti wakupulikana wangamanya kunjirika na mizimu yiheni, kuwusika na mizimu yiheni, kusunga mizimu yiheni panji kasi vyose vibiri ivi vingachitika pa umoyo wake, panji vingachitika chara? Longosorani zgoro linu. Kasi wakupulikana wakwenera kuchitachi kuti wasange na kukhara mukutonda, uko Yesu wali kumutondera mu umoyo wake wose kwizira mukutonda uko Yesu wali kumusangira pa mphinjika (Uvumbuzi 12.9ff.)? Kasi munthu wawusika na Mizimu yiheni, panji wakuba na Mizimu yiheni panji ndi vyose vibiri?

2

MAKANI GHA CHIYEREZGERO

1

Kukomwa: Kasi ntchinthu chakukhumbikwa?

Kwakuyana na Paulosi, kukubikika kubakupulikana kuti bahenere mwa Khristu, kweniso bakwenera kukomwa chifukwa cha Khristu (Bafilipi 1.29ff.). banji

2