Ukaboni wa Chipangano chasono pa Yesu Khristu na Ufumu wake: Buku la Msambiri

/ 8 1

UKABONI WA CHIPANGANO CHASONO PA YESU KHRISTU NA UFUMU WAKE

bakusambizga kuti usange tampokera Yesu, tikwenera kukumana na masuzgo chara. Chisambizgo ichi chikung’anamura kuti usange munthu wakupulikana wakulwara ndiko kuti suzgo ili ndakujipangira iye mweneko chifukwa chakuwura chipulikano mwa Fumu. Kasi imwe mungalongosora wuli makani agha? Kasi mukhristu wakwenera kukumana na masuzgo kufumira kwa mulwani wa Chiuta Satana? Panji masuzgo ntchakwenelera chara kuti mukhristu wakumanenge nawo pa umoyo wake.

Kasi tikumukhozga soni Yesu Khristu?

Chisambizgo icho chikusambizgika chomene mumpingo yinandi ntchakuti Fumu yithu Yesu Khristu wali kufwa mwakuti wawuskeko vinji mwavyakubinya ivyo bakhristu bakukumana navyo. Na nthimbo zake tili kuchizgika, ndimo banji bakuyowoyera ndipo ichi chikung’anamura kuti tikwenera kuphara nyengo zose, umoyo uweme na usambazi pa chifukwa chakukomwa kwa Yesu Khristu pa mphinjika. Pakuti Yesu wali kukomwa chifukwa cha vinthu ivi, chikung’anamura kuti wakupulikana wakwenera kulengeska Khristu chara kwizira mukuwura chipulikano panji kuleka kumanya kutonda uko wali nako mwa Yesu Khristu. Kasi mlimo wa Yesu Khristu ukutisambizga na kutiphalira vichi pa kabiro ka zakwananga na vyakulondezgapo vyake na nthembo, vikwenera kutisangaso chara tabakupulikana? Uwu ndi mutu wa buku ilo lili kulembeka na mbumba yinyake, awo bakapharanga kuchizgika kwa mwana wawo muzina la Yesu mweneuyo wakalwaranga nthenda ya suga. Bakamuwonanga wakufwa ndipo bakamba kujililira chifukwa bakaleka kumtolera kuchipatara na kugomezga kuti wachirenge kwambura mankhwara. Banthu bakabasuska ndipo nawo bakajichitira chitima chomene. Kasi mungabasambizga wuli bakupulikana na umo bakwenera kulombera lurombo lwa chipulikano mwakuti bachizgike, basinthike, na kutumbikika, aposo bakwenera kuzomerezga kuti Chiuta wangamanya kukorako vitumbiko mwakuti mwana wake wasambire kujikora na kulindilira pa Yehova kweniso kukra mu uzimu? Tili kukoma mwana withu

3

2

4

Mbiri ya vinthu ivyo vikachitikanga munyengo iyo Yesu wakiziranga mucharu (kuwusa kwa Baroma) kukaba na nkhongono chomene pa utebeti wa Yesu Khristu chifukwa cha mawupu gha banthu awo bakamzingirizga. Banthu bakapokelera utebeti wa Yesu kwakuyana na umo bakalabiskiranga Boma la Baroma.

Kulongosora Fundo ya chisambizgo