Chiuta Dada, Buku la Msambiri

2 0 2 /

CHIUTA DADA

NDONDOMEKO 27 Apo chikhristu chikuleka kupulikikwa Frank Decker

Makani agha ghali kutoreka kufumira mu vyakulemba vya wupu wa Mission Frontiers: The Bulletin of the US Center for World Mission, Vol. 27, No. 5; September-October 2005; ISSN 0889-9436. Copyright 2005 by the U.S. Center for World Mission. Used by permission. All Rights Reserved.

Uwu mbukaboni wa munthu munyake mweneuyo wakaba wachisilamu. “Nili kukulira mumbumba ya chisilamu ndipo apo nkhati napokera Yesu nkhazgoka kuba mukhristu. Nyengo yinyake nkhapulika ngati kuti Chiuta wakuniphalira kuti ndiwelere kuwabali wane nkhabaphalire ivyo Chiuta wandichitira.’” Ili ndilo likaba jando la umoyo wa mulongosi uyo zina lake wakuchemeka kuti Salima. Apo wakimilira pa ungano kuperekera ukaboni wake, nkhaghanaghana na umo ukaboni wake ungapokelerekera kukaya na banthu bakukwithu. Kweni palije icho wakayowoya chenechicho chingazizika banthu ba kukwithu ku Amereka. Wakatiphalira kuti, mwakuti waphalire banthu bakukwawo makani gha Yesu Khristu wakwenera kuwoneka nga ndi msilamu kwakuruska kujiwoneksa kuti ndi mukhristu. Pachifukwa ichi wakujilongora kuba musilamu kuruska kuba mukhristu. Kwene wakasazgirako kuyowoya kuti, “ndingawelerakoso ku chisilamu chara kwambura Yesu mweneuyo nkhumutemwa pakuti ndi Fumu yane.” Nga ndi mwanakazi uyu, banthu banandi, awo bakukhara muchigaba cha Asia, pakati pa basilamu, bachibudha na banthu ba chihindu bakumuzomera Yesu, kwene kuti bakunjira chikhristu chara. Ise nga mbanthu ba kuvyaru vya kubazungu tikuwona kuti usange munthu wazomera Yesu wakweneraso kunjira chikhristu pakuba na mpingo. Ku banyithu awo bakukhara muchigaba cha Asia, kapulikiskiro nkhakupambana. Ghanaghanirani nkhani iyo yikachitika na Chai, munthu wa chisopo cha Buddha wakufumira kucharu cha Thailand. “Charu cha Thailand chichali chindazgoke kuba chachikhristu, chifukwa mukaghanaghaniro ka banthu bamucharu ichi, kuba mukhristu chikung’anamura kuti ungabaso wa mtundu wa Thai chara chifukwa kuba mukhristu nkhuba mulendo mucharu chako.’” Kwakuyana na Chai munthu usange wazgoka kuba mukhristu, wakuba mwana wa Chiuta na wachisopo cha Buddha mupya.” Apo nkhachezganga na munthu munyake wa chisopo cha chi Buddah, nati napulikizga nkhani yake, nkhamuphalira kuti wakusoberwa kanthu kamoza pera pa umoyo wake, ndipo wati wandifumba nkhamuzgora kuti wakusoberwa kupokera Yesu Khristu kuba Fumu na Mthaski wa moyo wake.”

Munthu munyake uyo wakatebetanga mlimo wa kutumika ku charu cha Ghana, zina lake Frank Decker mweneuyo pasono ndi mulara wa wupu wa Mission Society for United Methodists.