Chiuta Dada, Buku la Msambiri

/ 2 0 3

CHIUTA DADA

Apo chikhristu chikuleka kupulikikwa (Mwakulutirizga)

Chai wakarutilizga kutiphalira nkhani yeneiyo mliska wawo (monk) wakapereka umoyo wake kwa Yesu ndipo wakamuchemerako Chai kuti wize ku nyumba yawo yakusoperamo mwakuti wakabaphalire banthu za chiponosko ichi cha mwa Yesu Khristu. Ndipo Chai wakalutirizga kuti pakwambilira kwa ntchezgo yithu Mliska (Monk) wakanifumba usange ndili mukhristu, ndipo nkhati chara. Nkharongosora chifukwa chake icho nkhazgolera mwantheura. Nkhazomerenge kuti enya ndine mukhristu, kudumbirana kwithu kukamaliranga papo na papo. Kwene ntchezgo yithu yikamara chara ndipo pasono Mliska (Monk) wakwenda na Yesu. Munthu munyake wa chi Amereka mweneuyo wakhara wakugwira ntchito ku charu chigaba cha Asia kwa vilimika vinandi wakati, “kwa vilimika vinkhonde vyakwambilira [mucharu cha chisilamu] tikasuzgika chomene chifukwa chakuti tikayezgeskanga kuti banthu basinthe chisopo chawo.” Wakarutirizga kuyowoya kuti, muchipulikano chithu tabakhristu takhara tikuyowoya kuti ntchisopo chithu chara icho chikutisintha panji kutiponoska, kweni ndi Yesu. “Usange tikugomezga nadi makani agha, iko ntchifukwa wuli tikulimbikira chomene kuti banthu basinthe chisopo chawo? Asif ndi mubare mwa Yesu mweneuyo nakhara nayo kwa nyengo yitali chomene muchigaba icho banthu banandi mbasilamu. Mawupu ghanandi gha chiKhristu ghazgora banthu bachoko chomene kuba bakhristu. Aba mbanthu awo mbalendo na awo bandabepo basilamu kare lose. Nanga wuli vili ntheura, Asif ndi mukhristu wakufikapo nadi nga ndi umo kuliri na bakhristu banji awo mbakufumira muchipulikano cha chisilamu. Nkhuluwa chara apo nkhamuwona wakuthiska masozi mumaso mwake apo wakandiphaliranga nkhani yakukhwaska iye na mubare wake mweneuyo nayo ngwakupulikana na Yesu Khristu. Bakatimbika chifukwa chachipulikano chawo ndipo mukuru wake wa Asif wakafwira papo. Milimo yakwambira mukati ya nthena iyi yili na ulato wakubisirizga kabiro ka mukhristu chara, kwene kovwira awo bakutebeta mwantheura kuti bachite makora muwutebegi wawo pakufikira banthu apo bali mu midauko na kabiro kawo. Bangaba basilamu, bahindu, bachewa, batumbuka na banji bantheura, chakuzirwa ntchakubafikira na uthenga wa Yesu nga ndi umo baliri. Mu vyaru vinyake mawupu ghantheura agha ghakwamba waka sono. Tikwenera kuwoneseska kut ivinthu ivyo tikukoreska nga bina Khristu, ndi vinthu ivyo vikususkana na Baibulo chara kwene vyakovwira kuti uthenga ufikire banthu banandi mukabiro na mu midauko yawo. Usange tikutondeka kughanaghanira makora na kugaba uthenga wa Yesu mwakusefa midauko na kovwira banthu kuba ba Khristu mukabiro kawo titimbanizgenge chipulikano na kusangika kuti tikusazgizga chikhristu na vyakuwaro nga ndi umo bakachitira ba Farisi munyengo ya Yesu.

*Kuti musange nkhani yose iyi bazgani kufumira pa (www.goodnewsmag.org).