Chiuta Dada, Buku la Msambiri

2 0 4 /

CHIUTA DADA

NDONDOMEKO 28 Kukoreska chipulikano kuruska chisopo Khumbiro la kukuzga chipulikano mukati mu midauko Charles Kraft Nkhani iyi yili kutoreka kufumira mu buku la Mission Frontiers: The Bulletin of the US Center for World Mission, Vol. 27, No. 5; September-October 2005; ISSN 0889-9436. Copyright 2005 by the U.S. Center for World Mission. Lili kutoreka mwakuzomerezgeka na beneko. Mazaza ghose ghali kubeneko. Makani agha ghali kufumira mu chipaturo 5 na 6 kufumira mu buku la Chikhristu chakwenelera ( Appropriate Christianity) (William Carey Library Publishers, 2005). Ntchinthu chambura kupulikikwa makora, kuwaro panji mukati mwa chikhristu kuti kupulikana kwithu kukwenera kuba kwakupambana na kupulikana kwa banthu awo tabapharazgira kwakuyana na midauko na machitiro ghawo. Ntchakusuzga chomene kuti banthu babe bakhristu kuwaro kwa midauko yawo na visopo ivyo bakuliramo. Visopo vinandi vikukhumba kuti banthu bavichitire mukati mu vinthu na visopo ivyo bali kukuliramo, apo chikhristu chikuzomerezga chara. Yesu wali kwiza kupereka umoyo wakuzara (Yohane 10:10), ndipo ichi kuti ntchisopo chara kweni kuba na umoyo. Banthu ndiwo bakhizga umoyo uwu kuwuzgora kuba waka chisopo nga ndi umo viliri visopo vinyake. Mwantheura, awo bakupokera uthenga withu bakutanthaura chikhristu kuba ngati kuti ntchisopowaka chinyakhe nga ndi umo chiliri chisilamu na visopo vinji. Kwene chikhristu usange tingachipulikiska makora nkhujipereka uko kuli na ching’anamuro chakupa umoyo kuluska maluso na vyakuchitika waka. Kujipereka kwa Yesu Khristu na ching’anamuro chake pa kujipereka uku, mwantheura kukuchitika mukabiro ako banthu baliri mu midauko na machitiro ghawo. Ichi ndicho tikuchema kuti kusopa nga ndi umo wuliri mukabiro kako na mumdauko wakwinu (contextualization) ndipo ichi ntchinthu chakuzirwa chomene muchikhristu nanga wuli banthu banandi bakupulikiska makora chara. Banji bakuwona ngati nkhusazgizga na vyacharu. Ku banthu banandi chikhristu bakuchiwona ngati ntchinthu chambura kukumbikwa kughanaghana. Kuba banandi chipulikano chithu chilije kanthu na kughanaghanira na vyakuchitika mu umoyo withu. Bakuwona ngati kuti chikhristu ntchinthu icho chikupatura banthu. Usange ndi nkhani ya chivikiliro na bakhristu wuwo bakukhumbikwa kuruta kung’anga, baprofeti na banthu bantheura aba. Nanga wuli Baibulo likuphara kuti tili bakuvikilirika, banthu bakuwona kuti ndi vyakupelera kweni kuruta kung’anga kukapenja mankhwara.

Dr. Charles H. Kraft watebeta nga ndi mtebeti wa Fumu mucharu cha Nigeria, wasambizga viyowoyero vya ku Africa pasukulu ya Michigan State University na UCLA kwa vilimika 10, na kusambizga kabiro na makhaliro gha banthu na umo midauko ya banthu yikukhwaskirana na kwenderana mu sukulu ya Intercultural Studies, Fuller Seminary kwa vilimika 35. Wakwendendeka chomene mucharu, ndipo wadangilira mukulabiska na kusambizga makani gha kabiro na makhaliro gha banthu na umo chikhristu chingazomerezgera banthu kusopa mukabiro kawo. Wali kulemba mabuku ghanandi kusazgirapo Appropriate Christianity (William Carey Library Publishers, 2005).