Chiuta Dada, Buku la Msambiri

/ 3 7

CHIUTA DADA

³ Chifukwa cha kabiro na nkharo ya Chiuta na ukajilenge wake, ndipo pachifukwa chakutomboroka kwithu, tikwenera kukhozga fundo yakuti Chiuta wakwenera kujivumbura mweneko kwa ise pambere tindamumanye. ³ Pakumanya kuti Chiuta wali pachanya pa kaghanaghaniro na kapulikiskiro kithu, tikwenera kujikhizga na bakuchenjera chomene na umo tikulabiskira na kuzomerezga Chiuta mukabiro kake kose. Chiuta wakwenera kujirongora na kujivumbura kwa ise usange timumanyenge. ³ Nga ndi Mlengi wa vinthu vyose, Chiuta wali kujivumbura kwa ise munthowa zibiri: mu Uvumbuzi wa chisanisani, na mu Uvumbuzi wapadera. Mu Uvumbuzi wachisanisani, Chiuta wali kujivumbura ku banthu wose ndipo mu Uvumbuzi wa padera, Chiuta wali kujivumbura ku banthu bakusoreka, nga ndi umo wakajivumbulira kwa Abrahamu, Isake na Yakobe, pa malo ghakusoreka. ³ Chipulikano cha Bapostole chikuphara pakweru pa ukuru wa Chiuta yumoza, wa unenesko, Chiuta Dada wa Fumu yithu Yesu Khristu. ³ Mu ubare uwu wa Chiuta na Chilengiwa chake, Chiuta wakusangikamo muchilengiwa chake kweniso wali kupaturika ndipo wali kutari nacho. ³ Kusangika kwa Chiuta kukuphara kusangika kwake na kuchitachita kwake muchilengiwa chake na kuchitapo kanthu. ³ Kuba kutari uko Chiuta wali na chilengiwa chake vikung’anamura fundo ya unenesko yakuti Chiuta ngwambura mapimiko, ngwambura mphaka kweniso ngwambura mpherekezgo nga ndi umo chilengiwa chiliri ndipo kuti chilengiwa chingamupasa mphaka chara kweniso ngwambura kumanyikwa na wali yose kwambura kuti iye muwukajiyimire wake wajivumbure. ³ Kabiro panji kuti nkharo ya Chiuta vikurongora umo Chiuta waliri na umo wakuchitira mu uChiuta wake nga ndi Dada, Mwana, na Mzimu Mtuba ndipo wakulongoreka kwizira mu wukuru na muweme wake. ³ Kabiro ka Chiuta ako kakuwonekera muwukuru wake vikukhwaska uzimu wake, umoyo wake, wunthu wake, kuba wambura mphaka na kugomezgeka kwake. ³ Kabiro ka Chiuta ako kakuwonekera mu uweme wa Chiuta kakuwonekera mu utozi, unenesko, na mu chitemwa chake.

1