Chiuta Dada, Buku la Msambiri

3 8 /

CHIUTA DADA

Sono ndi nyengo yakuti mudumbirane na basambiri banyinu mafumbo agho muli nagho pa jando la visambizgo vithu pa chisambizgo cha kumsambira Chiuta. Kasi pali mafumbo wuli agho mwasanga pa ivyo mwasambira? Panji ghanji mwamafumbo agha ghangamanya kumovwirani kusanga mafumbo kufumira mu ivyo mwasambira. * Kasi pali mphambano wuli pakuzomerezga kuti Chiuta baDada wa nkhongono zose ndiyo ndi mlengi wa kuchanya na pasi, na vinthu vyose ivyo vilimo, vyakuwoneka na vyambura kuwoneka na maso na kuti vili kupangika na nkhongono zinyake zili zose chara kweni Chiuta pera ndiyo? Kasi mukughanaghana kuti ntchifukwa wuli awo bali kulemba chipulikano cha Bapostole bali kwamba na kuphara pakweru kuti Chiuta ndiyo wali kulenga vyose? * Kasi ntchifukwa wuli tikwenera kuzomerezga na mtima wose kuti palije munthu uyo wangamumanya Chiuta kwambura kuti Chiuta mweneko wajivumbura? Usange kuli ntheura, kasi Chiuta wangamususka wuli munthu usange wandamumanye apo iyo ndiyo wandajivumbura * Kasi chikuchitika ntchivichi usange munthu yunji wakudidimizga uvumbuzi wa chisanisani kwakuruska uvumbuzi wapadera? Mwapanyakheso, kasi chikuchitika ntchivichi usange munthu wakudidimizga uvumbuzi wapadera kwambura kupulikiska udindo wa Chiuta mu uvumbuzi wachisanisani? * Kasi chikung’anamurachi usange tikuti Chiuta wali muchilengiwa chake ndipo wakuchitachita mumo apo mucharu muli kuzura mbembe, viwawa na nthimbanizgo? Usange Chiuta wali mucharu umo mukuchitika vyose ivi, kasi tikupanikizga wuli ubapo wake pakati pithu? * Kasi mukuzomerezga wuli kupaturika na ukuru wa Chiuta pa vyose kwambura kuwona viwawa na mbembe izo zili mucharu kwambura kuzomera kuti Chiuta wali kuchireka charu? Kasi Chiuta wangaba wuli pamoza na charu kweniso wakupaturika kucharu? * Kasi chisambizgo cha kusangika kwa Chiuta na kupaturika kwake, vikutikhwaska wuli apo tikumtebetera Chiuta mumipingo yithu mu misumba na muvikaya vithu? Kasi vikwenera kukhwaska wuli umo tikupulikiskira chisopo? Utebeti withu ku banthu awo bapwetekeka? Apo tikwenda munyengo zakusuzga? Na usange muvikaya mwithu mwasangika masuzgo panji nyengo zinono?

Kutorapo Lwande kwa Basambiri na vyakurondezgapo vyake

1