Chiuta Mwana, Buku la Msambizgi

/ 1 3 3

CHIUTA MWANA

Ntchifukwa wuli Sabata la chikwera?

Mumipingo yinandi lero chikwera chikuyowoyakapo chara. Nanga wuli chikwera ntchakuzirwa chomene ndipo chikudangilira dazi la pentekoste, banthu kuti bakubikapo mtima chara. Bakhristu kuti bakuzirwiska dazi ili chara. Kasi ntchifukwa wuli mipingo yikutondeka kutora dazi ili na lwana lose?

2

Tilabiske kunthazi

Upharazgi withu wunandi lero ukusambizga chomene kuti banthu tilabaliskenge pa umoyo withu sono na umo vinthu viliri. Tikuchiskika chomene kuti tiyaniske chisambizgo icho tikupokera pa ivyo tikujumphamo sono kuluska kulabiska vyamunthazi. Kasi ise nga mbasambiri tikwenera kupulikiska wuli vyakunyuma vithu, vyasono, na vyakunthazi, ndipo nga ndi umo vikumukhwaskira Khristu Yesu, ivyo wali kuchita, ivyo wakuchita na ivyo wizamkuchita? Kasi masomphenya ghakunthazi ghakutorapo lwande wuli pa basambiri ba Yesu, ndipo kasi ise nga mbatebeti ba Chiuta tikwenera kulabiska wuli kunthazi?

3

Yesu, Mesiya na Fumu pa vyose: Wakawuka ndipo wizengeso Chigaba chakwamba: Chiwuka na Chikwera cha Yesu Khristu

CHISAMBIZGO

4

Rev. Dr. Don L. Davis

Vigaba vinandi na vyakurondezga vya kukwezgeka kwa Khristu vingamanya kupulikiskika makora kwizira muvinthu vibiri ivyo vili kuchitika; chiuka na chikwera cha Yesu Khristu. Chiuka chikulongora uchatonda wa Yesu Khristu, uMesiya na uMwana wake ndipo chikwera chake chikupereka kwa mponoski withu malo ghantchindi na mazaza agho ghakumwenerezga kubungirizga vinthu vyose na uchindami wake. Mbiri ya Khristu (apa tikuyowoya uchiyamwaka wa Yesu Khristu, umoyo wake, utebeti wake, nyifwa yake, chiuka chake, na uchindami wake) yingayowoyeka kwizira muvinthu vibiri, kujikhizga kwake na kwiza kwake mucharu (kujiyuyura) chikwera chake (kukwezgeka kwake). Chiuka na kukwera kwake vikukhwaska kukwezgeka kwa Khristu mu wuchindami wake. Ulato withu muchigaba ichi cha, Chiuka na Chikwera cha Yesu Khristu, ntchakuti mumanye kuwona vinthu ivi:

Chigaba Chakwamba: Chisambizgo mwawufupi

peji 292  4