Chiuta Mwana, Buku la Msambizgi

1 3 4 /

CHIUTA MWANA

• Vigaba vyakupambanapambana na vyakurondezgapo vya kukwezgeka kwa Yesu Khristu vingamanya kupulikiskika usange tikulabiska vinthu vibiri ivyo vikachitika; chiuka na chikwera cha Yesu Khristu. • Chiuka chikulongora uchatonda wa Yesu Mesiya na uMwana wake, ndipo chikwera chake chikupereka ntchindi kwa Mesiya na mazaza ivyo vikumwenerezga kubungirizga vinthu vyose na uchindami. • Mbiri ya Yesu (i.e., ubapo wa Yesu muchiyamwaka, umoyo wake, utebeti wake, na nyifwa yake) vingayowoyeka kwizira muvigaba vibiri, chigaba chakukhira kwake na kwiza mucharu nga ndi munthu (kujikhizga) kukwera kwake (kukwezgeka kwake). Chiuka na chikwera vikukhwaskana na kukwezgeka kwa Yesu na uchindami wake. Tiyeni tiyambe na kuphara chigaba chakwenelera cha chipulikano cha Bapostole icho chikukhwaska chisambizgo cha chinayi: “ Ghakati gharutapo mazuba ghatatu, wakawuka, kwakuyana na Malemba, wakakwelera kuchanya ndipo wakukhara kuwoko la maryero la Chiuta Dada wa nkhongono zose. Kwenekuko wati wizenge muwuchindami wake, kwiza kuzakeruzga bamoyo na bakufwa ndipo ufumu wake ngwa muyirayira .”

Kulabilira Vidiyo: Chigaba chakwamba Ndondomeko

4

I. Chiuka cha Yesu Khristu

Chiuta wali kumuzgora Khristu kuba chata wa chiluwuko pakumuwuska kubakufwa. ~ Clement of Rome (c. 96, W), 1.11. David W. Bercot, ed. A Dictionary of Early Christian Beliefs . Peabody, MA: Hendrickson Publishers, 1998. p. 558.

A. Chiuka cha Yesu Khristu ndiyo ndi ntchindamira ya chipulikano, chisopo na utebeti wa chikhristu.

1. Chiuka ndicho ndi ntchindamira ya visambizgo vyose vya chikhristu: (cf. 1 Bakorinto 15.1-20, “Usange Khristu wakazguka chara kubakufwa”).

a. Upharazgi wa Bapostole ngwambura chanduro ndipo chipulikano chithu muwupharazgi wawo ngwawaka, v. 14.

b. Chikung’anamura kuti Bapostole bakamutetezgera Chiuta, chifukwa bakateta kuti Chiuta wakamuzgusa Yesu kubakufwa, v. 15.