Chiuta Mwana, Buku la Msambizgi

1 4 6 /

CHIUTA MWANA

3. Kwakuyana na kayowoyero ka Chipulikano cha Bapostole, kasi mphawuli apo Yesu wakawukira kubakufwa, ndipo kasi pali ukaboni wuli uwo ukupanikizgira chiuka chake? 4. Perekani ukaboni kufumira mu Baibulo wakulongora kuti Yesu wakawuka kubakufwa, chomenemene kufumira mu mabuku gha Ivangeli. Kasi mungalongosora wuli makani ya chiuka cha Yesu nga ndi umo ghakuyowoyekera mu mabuku ghanyake gha mu Baibulo? 5. Kasi mabuku gha Ivangeli ghakulongosora wuli za kabiro ka thupi la Yesu apo wakawuka kubakufwa? Kasi ntchifukwa wuli ntchakuzirwa kuzomerezga na kuphara kuti Yesu wakawuka kuthupi kulekana na kugomezga kuti wakaba waka mzimu? Longosorani zgoro linu. 6. Kasi chikwera cha Yesu Khristu ntchakuzirwa wuli kwa ise muchisopo chithu, kujipereka kwithu, na kuchitira ukaboni kwithu za Yesu Fumu yithu? Kasi chipulikano cha Bapostole chikuzomerezgana wuli na ivyo Baibulo likusambizga kwakuyana na kukwera kwa Yesu Khristu kuya kuchanya? 7. Kasi Yesu wakuba wuli mutu wa Eklesia ndipo vikukoleranako wuli na chikwera chake kuya ka khara kuwoko la maryero la Chiuta Dada? Kweniso chikwera chake kasi chikukoleranako wuli na udindo wake nga ndi Msofi mkuru? 8. Kasi kuwusa kwa Yesu pasono kuchanya kukutovwira wuli kukuzga chigomezgo chithu pa kurondezga kwithu apo wizamkuwusaso charu chose? Kasi chikwera cha Yesu Khristu chikutipanikizgira wuli kuti Yesu ndiyo ndi Fumu iyo yili kwiza kwizira mufuko la Davide? 9. Kasi chiuka cha Yesu Khristu na chikwera chake, vikutichiska wuli mukasopero kithu na kukondwera kuti Yesu ndiyo ndi Fumu?

4

Yesu, Mesiya na Fumu pa vyose: wali kuwuka ndipo wizengeso Chigaba chachibiri: Kwizaso na Kuwusa kwa Fumu yithu Yesu Khristu

Rev. Dr. Don L. Davis

Fundo zitatu zakuzirwa chomene kufumira mu chipulikano cha Bapostole izo zikuyowoya za mlimo wa kunthazi wa Yesu Khristu mucharu. Chakwamba, chipulikano chikuzomera kuti Yesu wizengeso mucharu muwuchindami

Chigaba chachbiri mwaufupi