Chiuta Mwana, Buku la Msambizgi

/ 1 4 7

CHIUTA MWANA

wake, ndipo miziro ghake ghamkuba ghakuzukumisa chomene ndiposo wakuzirwa chomene kwa ise. Chipulikano chikuzomerezgaso kuti Yesu wizenge kwizakeruzga bamoyo na bakufwa, chifukwa nkhongono zose zakweruzga zili kupika kwa Mwana kufuma ku ba Dada. Chaumaliro, chipulikano cha Bapostole chikuzomera kuti Yesu wizamkuwusa ndipo ufumu wake ulije umaliro chifukwa ngwamuyirayira, wizmkufiska uchimi wa muchipangano chakare na kukhazikiska Ufumu wa Chiuta mucharu chipya na machanya ghapya. Vyakukhozgera vitatu ivi (i.e., kwiza kwake muwuchindami wake, kweruzga kwake vyaru vyose, na Ufumu wake wa Myirayira) vili na ching’anamuro chakuzirwa chomene pa umoyo na utebeti withu kuno kulero. Ulato withu muchisambizgo ichi cha Kwizaso na kuwusa kwa Fumu yithu Yesu Khristu, ngwakuti mumanye kuwona ivi: • Fundo zitatu izo zili muchipulikano cha Bapostole zikuyowoya na mlimo wakunthazi wa Yesu pa charu • Chipulikano chikuzomera kuti Yesu Khristu wizengeso mu uchindami wake, ndipo kwiza kwake kuzamkuba kwakuzukumiska ndipo vili na kuzirwa chomene pa umoyo na utebeti withu. • Chipulikano chikutisambizgaso kuti Yesu wizamkweruzga bamoyo na bakufwa wose muvyaru vyose, pakuti mazaza ghakweruzga vyaru gha li kupika kwa Yesu kufuma ku ba Dada. • Paumaliro, chipulikano cha Bapostole chikusambizgaso kuti Yesu wizamkuwusa charu chose ndipo Ufumu wake uzamkuba wambura kumara, kung’anamura kuti wizamkufiska uchimi wose wa muchipangano chakare na kukhazikiska Ufumu wa Chiuta pa charu apo Chiuta wizamkuwusa mucharu chipya na machanya ghapya. • Vinthu vitatu vya chipulikano cha Bapositole vikukhozgera(kwiza kwake mu uchindami, kwiza kwake kuzakeruzga vyaru na ufumu wake wamuyirayira), vili na ching’anamuro chikuru pa umoyo withu. Nga ndi umo tawonera muchisambizgo chajumpha, tiyeni tiphareso vigaba vyakukoleranako na chisambizgo ichi: “Pa zuba la chitatu wakawukaso kwakuyana na Mazgu gha Chiuta, wkakwelera kuchanya ndipo wakukhara kuwoko la maryero la Chiuta Dada wa nkhongono zose. Kufuma kwenekuko wati wizenge, kwizakeruzga bamoyo na bakufwa ndipo Ufumu wake nga myirayira, wambura kumara. ”

4

Chigaba cha chibiri cha Vidiyo Ndondomeko