Chiuta Mwana, Buku la Msambizgi

2 7 2 /

CHIUTA MWANA

Chonde vwirani basambiri binu kupulikiska mlimo wakubazga. Mlimo uwu ngwakwenelera kuba unonono panji upusu chara. Kweni, ulato ngwakuti babazge makora na mwakufikapo na kuremba ivyo babazga mwawufupi chomene. Bapereka ivyo bakuwona kuti chipaturo chikung’anamura, fundo zikuruzikuru. Usange bali na unonono pakapulikiskiro bafumbe ndipo mubape wovwiri. Bachiskeni na kubawuska nkhumbi pakuti mlimo wakubazga ngwakuti bapwetekeke nawo chara. Ulato ngwakuti mubakhozge soni panji kubalengeska chara pa ivyo balemba kweni batorepo lwande pakusambira kubazga na kuelmba mwawufupi ivyo basambira. Didimizgani chomene ivyo basambira na kukuzga kukoreska fundo zikuruzikuru na ulato wa chisambizgo. Kharani pakatikati pakusambira na kutebeteska ivyo basambira.