Chiuta Mwana, Buku la Msambizgi

/ 2 7 3

CHIUTA MWANA

Yesu, Mesiya na Fumu pa vyose Wakakhara na Umoyo pa Charu

Vyakulemba vyamsambizgi 2

Tampokelerani kuchisambizgo chachibiri, Yesu, Mesiya na Fumu pa vyose : Wakakhara na Umoyo pa charu. Muchisambizgo ichi tilabiskenge chomene pa vinthu na vakurondezgapo vyake ivyo vikufumira muwukaboni wa kufumira mu Mazgu gha Chiuta, kubabika kwake mucharu, kufuma kwake kuchanya uko wakasida uchindami wake na kutora thupi pacharu na ulato wakuti watifwire kuti tisange chiponosko. Ulato winu ukwenera kuvwira basambiri kusanga mwawusani wose ivyo Baibulo likusambizga za Yesu Khristu na umo wakakhalira mucharu chapasi. Nkhani iyi yili kulembeka mwawufupi na D. R. W. Wood and I. H. Marshall: Apo Mazgu wakazgoka thupi, uChiuta wake kuti ukalekeka chara, panji kuti ukakhizgika, panji kumazgika, panji kuti wakaleka kuba Chiuta chara. Ndiyo ndi uyo tikaphalirika za iyo, mweneuyo wakusungilira chilengiwa mukabiro kake, ndiposo ndiyo wakupereka umoyo wose ku vyose (Bakolose 1.17; Baheberi 1.3; Yohane 1.4), ndipo milimo yose iyi kuti wakayileka chara apo wakaba mucharu. Apo wakiza mucharu wakajikhutura ku wuchindami wake (Bafilipi 2.7; Yohane 17.5), ndipo mukabiro aka wakazgoka mukavu (2 Bakorinto 8.9), kweni kuti vikung’anamura kuti wakareka kuba Chiuta na nkhongono zake zose chara nga ndi umo banji bakuyowoyera. Chipangano chasono chikudidimizga kuti Chiuta Mwana wakalekapo kuba Chiuta chara apo wakababika mucharu. Kwizira mwa munthu Yesu Khristu, nga ndi umo Paulosi wakuyoyera, ‘Pakuti mu thupi la Khristu, ndimo ukukhara uChiuta wose wakufikapo.’ (Bakolose 2.9; cf. 1.19). Kubabika kwa Yesu Khristu mucharu kuti kukamazga uChiuta wake chara kweni kusazgirapo kuba munthu. Kuti kukaba kuti Chiuta Mwana wakiza kuzakakhara mwa munthu chara, nga ndi umo Mzimu Mtuba wakachitira mubakupulikana. Kweni Chiuta Mwana wakamba kukhara mu umunthu wose. Wakajivwarika waka thupi na kutora muzimu wake chara, nga ndi umo wupu wa Apollinaris bakayowoyeranga; wakajitolera mzimu wa munthu pamoza na thupi lake, kung’anamura kuti wakanjira mukabiro ka thupi na mu umoyo wa umunthu. Umunthu wake ukaba wakuzara; wakazgoka munthu Yesu Khristu (1 Timoti. 2.5; cf. Bagalatiya. 4.4; Baheberi. 2.14, 17). Ndipo wunthu wake ngwamuyirayira. Nanga wuli pasono wali kukwezgeka, wakarutilira kuba, Chiuta na Munthu mukabiro kose kabiri aka, mu munthu yumoza pera kwamuyirayira. Kufumira mu buku la Westminster Shorter Catechism, Q. 21; cf. Heb. 7.24 ~ D. R. W. Wood and I. Howard Marshall. New Bible Dictionary . (3rd ed.) (electronic ed.). Downers Grove, IL: InterVarsity Press, 1996.

 1 Peji 47 Jando