Chiuta Mwana, Buku la Msambizgi

/ 2 8 3

CHIUTA MWANA

Yesu, Mesiya na Fumu pa vyose Wakafwa

Vyakulemba vyamsambizgi 3

Tampokelerani kuchisambizgo cha chitatu, Yesu, Mesiya na Fumu pa vyose: Wakafwa. Ulato wa chisambizgo ichi ngwakovwira basambiri kusanga umanyi na mnthondwe uwo ukuzingirizga mwamphu, kusuzgika na nyifwa ya Yesu Khristu Fumu yithu. Khumbiro lakumanya ching’anamuro cha nyifwa yake ndakukhumbikwa chomene ndipo ndiyo ndi ntchindamira ya chisambizgo ichi. Chakumanyikwa makora nkhanira kwa imwe na basambiri binu ntchakuti mubamanyiske fundo zakupambanapambana izo zikuzungulira nyifwa ya Yesu Khristu. Chakuzirwa chomene apa ntchakuti muwone umo banthu banandi bakudidimizgira fundo zawo pa nyifwa ya Yesu Khristu. Fundo zose zili na unenesko uwo zikuthuwuska ndipo usange tazitora zose pamoza ndipo tingamanya kuphara unenesko wose pa nyifwa ya Yesu Khristu. Apo mukusambizga basambiri binu fundo zakupambanapambana, ntchinthu chakuzirwa chomene kulabiska na kutegherezga ivyo chipangano chasono chikusambizga pa makani agha chomenemene apo mukulabiska mlimo wake wakupereka chiponosko kubanthu. Mulabiskengeso chomene pa mlimo wake wakunjira mumalo mwithu (uchatonda wa Khristu apo wakatora malo ghithu pamphinjika) kufwa mumalo mwa banthu bakwananga. Mavesi agha ngakukhalira chomene ukaboni pa makani agha Yesaya 53, 1 Timoti 2.6, and 1 Petrosi 2.24 ghakudidimizga makani agha gha nyifwa ya Yesu mumalo mwithu (labiskani pa 2 Bakorinto 5.21; 1 Petrosi 3.18 ghakudidimizga za nyifwa ya Yesu mumalo mwithu). Woneseskani kuti kudidimizga kwinu kuyanane na ivyo Bapostole bali kusambizga, awo bakakana kukora fundo waka yimoza pera pakapulikiskiro ka nyifwa ya Yesu. Mwachiyelezgero, nyifwa ya Yesu yikupereka kuwombokwa; tili kugulika kwizira munyifwa ya Yesu pa mtngo wapachanya chomene, kufuma ku umkori uwo Satana wakatikora na kwananga uko wakatokoleramo, mwakuti tibe banangwa nga mbana ba Chiuta (2 Bakorinto 6.20 na with 1 Bakorinto 7.23; Bagalatiya 3.13; 4.5; Uvumbuzi 5.9; 14.3-4). Mwakurutirizga, tili kuwezgekera kwa Chiuta, kuweleramo kufuma kukuba bakutayika pamaso pa Chiuta. Wakachita kukhumba kwambura kuchichizgika kuti wafwe (Baroma 5.10; 2 Bakorinto 5.18-21). Nyifwa yake yikatiphepiskira na kutuniska ukari wa Chiuta mumalo mwithu. Wakamkhorweska Chiuta pa ivyo wakakhumba kuti vichitike mwakuti tisange chiponosko Pamoza na banthu wose bamtundu (Baroma 3). Kwizira

 1 Peji 89 Jando