Chiuta Mwana, Buku la Msambizgi

2 8 4 /

CHIUTA MWANA

munyifwa yake tili bakugowokereka ku zakwananga zithu (Bakolose 2.13) ndipo zakwananga zithu zikuwuskikako kwa ise kwizira munyifwa ya Yesu Khristu (cf. Mateyo 6.12; 9.6; Yakhobe 5.15; 1 Yohane 1.9). tili kusuturika, kugowokereka na kuba banangwa na barunji kwizira munyifwa yake, tili pa mtende na Chiuta mwa chipulikano (Baroma 5.1). Nga ndi munyengo zose, chonde bikanipo mtima pa ulato wa chisambizgo apo mukusambizga. Vimovwiraninge kureka kupuruka apo mukusambizga. Kujipereka uku kukukhwaska uchatonda wa Yesu Khristu chifukwa cha nyifwa yake, icho ndi chinthu chakukhumbira chomene kwa ise usange titolengepo lwande pa nyifwa ya Yesu Khristu. Yesu kuti wakafwa pawaka chara; nyifwa yake yikaba chilango chakufumira kwa Chiuta pachifukwa cha zakwananga zithu. Ukaba uchigaruka withu uwo ukapangiska Chiuta kuti wamurange. Chakuzirwa chomene nkhamuwona Yesu kuti wali kunjira mumalo ghithu muvyose na kuzomerezga kutunguruzgika na kukanika na Chiuta mwakuti ise tisange chiponosko. Tikwenera kukoreska ivyo Baibulo likusambizga na kusambizga basambiri bithu mwakwenelera. Tili kuswa dango la Chiuta ndipo nyifwa ya Yesu Khristu pa mphinjika yikaba zgoro kwa Chiuta lakutitolera ise umoyo. Kwizira munyifwa yake, kwananga kwane kuli kulipirika. Kuranguruka kwa nthena uku kukulongora ulato wakumusambira Yesu na kupulikiska ulato wake uwo ndi: kumusopa na kumutemwa Chiuta Dada withu kwizira mwa Yesu Khristu. Chitemwa cha Chiuta chambura mapimiko chili kulongoreka kwizira mukutimbika, kuchomboreka, kutukika na kutombozeka uko Yesu wakakumana nako pa mphinjika. Munthondwe wa Chitemwa cha Chiuta ukwenera kulongoreka kwizira mukujihizga, kujiyuyura na kumusopa Chiuta mwakufikapo kufumira pasi pa mtima withu. Penjerezgani kuvwira basambiri kuti bapulikiske makora chisambizgo ichi na kuzirwa kwake kose. Basambiri bawone kofya na uheni wose uwo Yesu wakakumana nawo mumalo mwa ise. Unenesko ngwakuti, Fumu yithu yili kuyeya uheni withu wose uwo Chiuta Dada wakamuthwikiska mumalo mwa ise tose.

 2 Peji 90 Kujipereka