Chiuta Mwana, Buku la Msambizgi

2 9 0 /

CHIUTA MWANA

Bakolose 3.1-4 - po sono usange muli kuwuskika pamoza na Khristu, ntheura penjani vinthu ivyo vili kuchanya uko Khristu wakukhara ku woko la maryero la Chiuta. 2Mughanaghanenge vinthu ivyo vili kuchanya, vya pano pasi chara. 3Pakuti muli kufwa, ndipo umoyo winu uli kubisika pamoza na Khristu mwa Chiuta. 4Khristu ndiyo umoyo winu wenecho sono, ndipo para iyo wamkuvumbukwa, imwe namweso mwakuvumbukwira pamoza nayo mu uchindami wakhe. 1 Yohane 2.15-17 - Mureke kutemwa charu panji vinthu ivyo vili mu charu. Usange munthu wakutemwa charu, kutemwa kwa Chiuta Dada kuti kuli mwa iyo chara. 16Pakuti vyose ivyo vili mu charu, makhumbiro gha thupi, ivyo maso ghakudokera na kujitukumura pa ivyo tili navyo kuti vikufuma ku Ŵadada chara, kweni vyose vikufuma mu charu. 17Ndipo charu na maulamphalampha yakhe vikumara, kweni uyo wakuchita khumbo la Chiuta, ndiyo wakukhalirira kwa muyirayira. Baroma 8.5-6 - Ŵanthu awo ŵakukhara kwakuyana na unthu, maghanoghano ghawo ghakurongozgeka na icho mathupi ghawo ghakukhumba. Kweni awo ŵakukhara na makhumbiro gha Mzimu maghanoghano ghawo ghakurongozgeka na icho Mzimu ukukhumba. 6Chifukwa kuŵika mtima pa vya thupi ndi nyifwa, kweni kuŵika mtima pa vya Mzimu ndi umoyo na mutende. Luka 12.15 - 2Chifukwa Mzimu Mutuŵa ndiyo wamkumusambizgani pa nyengo yeneiyo ivyo mukwenera kuyowoya.” Mateyo 6.19-21 - 9“Mungajiŵikiranga usambazi pano pasi, apo fufuzi na murosko vikuwunanga, ndiposo ŵankhungu nawo ŵakugumura na kwiba. 20Kweni mujiŵikire usambazi kuchanya kweneuko nanga ndi fufuzi panji murosko kuti vikuwunanga chara, ndipo nanga mbankhungu kuti ŵakugumura na kwiba chara. 21Chifukwa uko kuli usambazi wako, ndiko kuŵengeso na mtima wako. Luka 12.33 - Guliskani ivyo muli navyo ndipo ndarama zakhe mupereke ku ŵakavu. Jinozgerani vibeta vya ndarama ivyo kuti vikuvukupara chara, ivyo mbusambazi wa kuchanya uwo ngwambula kumara. Munkhungu nayo kuti wakufikako chara ndipo fufuzi nazo zikuwunanga chara.