Chiuta Mwana, Buku la Msambizgi

/ 2 9 1

CHIUTA MWANA

Baheberi 10.34 - Mukaŵalengeranga lusungu ŵanthu awo ŵakaŵa mu gadi. Ndipo na kukondwa, mukazomerezga kuti vinthu vyinu viphangike, pakumanya kuti muli na vinthu viweme vya kuruska na vyakukhalirira. Yakhobe 2.5 - Mwa ŵabali ŵane ŵakutemweka, tegherezgani. Asi Chiuta wali kusora ŵakavu ŵa muno mu charu kuti ŵaŵe ŵasambazi mu chipulikano, na kutiso ŵakanjire mu Ufumu uwo wali kupangana kuŵapa awo ŵakutemwa iyo? 1 Petrosi. 1.4 - ndiposo ku chiharo icho nchambula kuvunda, kukazuzgika na kuvukupara icho chili kusungikira imwe kuchanya. Mkhristu ndi munthu mweneuyo wakubika chigomezgo chake chili pa vinthu ivyo wakuviwona chara ndipo vili kukholera mu vinthu vyamucharu ichi chara. Mkhristu wachanduro chomene ndi mweneuyo wakubika umoyo wake muchipulikano na chigomezgo mwa Chiuta kwambura kulabiska ivyo vikuchitika mucharu. Kabiro aka kakukhara mwachigomezgo chantheura ichi ndiwo ndi mtima wa chipulikano cheneko, kwambura icho palije uyo wangamuwona panji kumukondweska Chiuta (Baheberi 11.6). Tili kuchemekera ku umoyo wa chipulikano na masomphenya agho tingaghawona chara, agho ghali kwimilira pa chiuka cha Yesu Khristu. Paulosi wakusachizga mu kalata wake ku Baroma: Baroma 8.23-25 Kuti chikutampha nchakulengeka pera chara, kweni na ise wuwo ise tili na chawanangwa chakudanga cha Mzimu, tikutampha cha mukatikati apo tikulindirira kuti Chiuta watipokerere nga ŵana ŵakhe na kuwombola mathupi ghithu. 24Nadi Chiuta wali kutiponoska na chigomezgo. Kweni usange tikugomezga icho tikuchiwona, kuti nchigomezgo chara. Kasi ndi njani uyo wangagomezga icho wakuchiwona. 25Kweni usange tikugomezga chara icho tikuchiwona na maso, tikuchilindirira na kuzizipizga. Chinthu icho chkulongosora vyose icho ise tikukhara nacho chili kujinthika mu chigomezgo icho ntchambura kuwoneka na maso kweni ntchawunenesko na chakukoreka. Mphanyi Chiuta wamupani mtima wakujibikira usambazi kuchanya iko fufuzi na mulosko vingawuparanya chara.