Chiuta Mwana, Buku la Msambizgi

2 9 2 /

CHIUTA MWANA

Nkhani zakunozgekereska basambiri zili na ulato wakuvwira basambiri kuwona chitemwa cha chikhristu na kurangurukirapo pa chiuka cha Khristu. Fundo na visambizgo vyose ivi vikulongora kuti kupulikiska kwithu kwa Chiuka, chikwera na kwizaso kwa Yesu Khristu ndivyo ndimzati wa chipulikano chithu. Usange tapulikiska na kugomezga makani agha ndipo tibenge na matima wakutebetera makora apo tikulindizga kwizaso kwa Fumu yithu iyo yizenge na uchizi wa Chiuta. Ulato wachisambizgo ichi wagona pakuti basambiri bamanye kubikapo mtima pa unenesko uwo wuli muchiuka. Nanga wuli banandi bakuwona kuti chigomezgo cha chikhristu chikukhumbikwa usange tili pa vitima pera, ise tikwenera kulongora kuti chipulikano chithu ntchakwenelera munyengo zose (e.g., Bakolose 3.1 4). Penjerezgani kukhazikiska mtima uwu mubasambiri binu nyengo zose apo mukubasambizga. Chipaturo icho chikuyowoya chomene na za chiuka cha thupi kweniso chiuka cha Yesu Khristu kwakuyana na Paulosi ndi 1 Bakorinto 15. Nkhwantha ya kupatawura Mazgu gha Chiuta P. S. Johnston wakutipa kulongosora kuweme pa makani agha: Kwakuyana na Paulosi, Chiuka cha Yesu Khristu ndilo ndi lufura lwa umoyo wa chikhristu mukabiro kithu kose na muchigomezgo cha vyakunthazi kwithu nga ndi umo wakulongosolera mulemba ghake pa 1 Bakorinto 15. Wakwamba kukhazikiska mbiri ya chiuka cha Yesu Khristu pakulabiska kujiwoneska kwake ku basambiri bake kweniso na kwa Paulosi (vv. 1–10). Pamanyuma wakulabiska usanisani wa chipulikano icho bakhristu bamwaka bakaba nacho pa makani gha chiuka na umo chikwenera kubira kubanthu wose awo mbakupulikana (vv. 11– 19). Usange kuti Yesu wakawuka chara kubakufwa, ndikuti wakaba wakutondeka nga ndi umo bakatondekera banthu banyake wose awo bakaba na bakubarondezga. Kweni usange wakawuka kubakufwa, ndikuti ufumu wa Chiuta wupya wafika. Chakurondezgapo, Paulosi wakurongora chigomezgo icho bayuda bakaba nacho icho bakhristu bakakoreska. Paulosi wakulongosoraso lufura lwa chipulikano ichi pakuphara kuti, nyifwa yikiza na Adamu, chiuka chili kwiza na Khristu, mweneuyo wakuwusa kuchanya na pasi wati watonda barwani bake, Satana na nyifwa. Aka ndiko kakaba chimanyikwiro cha Mesiya nanga wuli banthu bakawonanga ngati kuti barwani bake ndi banthu ba mucharu pamoza na muwoso wa Baroma (vv. 20–28).

 3 Peji 132 Kugumanya

 4 Peji 133

Chisambizgo mwawufupi