Chiuta Mwana, Buku la Msambizgi

/ 2 9 3

CHIUTA MWANA

Aka ndiko kakwenera kuba kabiro ako bakupulikana bakwenera kuba nako (vv. 29–35). Paulosi wakulongosora vyose, kulutilira na kuphara mphambano pakati pa mathupi ghithu ghasono na ghakunthazi apo wakutebeteska viyelezgero vinandinandi (vv. 35-49), kweniso wakuphara mwawufupi nkhani iyi na mwakulongora kusuzga kupulikiska nkhani iyi (v. 42). Mphambano ya mathupi njakuti, thupi lasono ndakumara ndipo lapachiuka ndamuyirayira ( psychikon,) umo mzimu wakukhara, lakunthazi ( pneumatikon) , thupi la uzimu. Chiuka cha Yesu ntchiyelezgero cha chiuka cha bakhristu umo bizamkuwukira pa chiuka. ~ P.S. Johnston. “Death and Resurrection.” New Dictionary of Biblical Theology . T. D. Alexander, ed. (electronic ed.). Downers Grove, IL: InterVarsity Press, 2001. Ntchakuzirwa chomene kuti basambiri basange umanyi wa 1 Bakorinto 15 pakuti ndicho chipaturo icho chikupereka ungweru ukuru chomene, unenesko wose na kupanikizga kukuru kwa chiuka cha bakhristu. Mlembi Robert Stein wakusanda makani gha chiuka pakughaphara kuti: Apo Chipangano chasono chikuphara kuti chiuka cha Yesu Khristu, chikuphara kuti kwizira muchiwuka cha Yesu basambiri bake nawo bakakhwaskika chara, kweni wakazgoka chiyerezgero cha umo bamkuwukira kubakufwa nawo. Nanga wuli palije icho chili kuchitika ku bapostole, chiuka ntchaunenesko ndipera. Chiuka chili kwima muchiuka cha Yesu Khristu. Pakuti wali kuwuka ipo nase tamkuwuka. ~ Robert H. Stein. Jesus the Messiah: A Survey of the Life of Christ . Downers Grove, IL: InterVarsity Press, 1996. p. 274. Fundo iyi ya chiuka yakhwaska banthu banandi muvigaba vyose vya chipulikano cha chikhristu, ndipo wuli, tikwenera kupanikizga ulato wake, ndipo tingamanya kupulikiska umo kwamkubira kwa ise, muchipulikano chithu, umoyo withu na utebeti withu kwa Chiuta.

 5 Peji 136 Ndondomeko ya fundo I-B