Chiuta Mwana, Buku la Msambizgi

5 2 /

CHIUTA MWANA

Kukuwoneka ngati kuti Ufumu ngwakunthazi

Pakudumbirana za kwiza kwa Yesu na Ufumu wake Mariko 1.14-15 na mumavesi ghanyake, basambiri banji bakafumba usange fundo yakuti ufumu wa Chiuta wuli kwiza mwa Yesu Khristu nja unenesko. Fumbo ili likiza pachifukwa chakuti basambiri aba bakawonanga masuzgo agho ghali mucharu. Kuyowoya kwawo kukaba kwakuti usange Ufumu wuli kwiza, ntchifukwa wuli mucharu muli masuzgo ghanandinandi waka, ntchifukwa wuli banthu bambua kwananga bakusuzgika na kukomwa mucharu umo Ufumu wa Chiuta wulimo? Ntchifukwa wuli Chiuta wakuleka kumazga masuzgo agho banthu bakukumana nagho apo iye Chiuta walipo? Chiuta wakulekerachi kumazga masuzgo ghose agha? Kasi imwe mungabazgora wuli banthu aba? Kasi mungaghazgora wuli mafumbo agha pamoza na agho ghakulongora kuti Yesu ndiyo ndimfiski wa uchimi wa zintchimi za muchipangano chakare na mupi wa Ufumu wa Chiuta mumuwiro uwu? Visambizgo vya mazuba ghano vikulongora kuti vikusora kasandiro na kapharazgiro ka Mazgu gha Chiuta pa ching’anamuro cha utebeti wa Yesu kwa ise nga ndi muzga wa Chiuta. Na chikanga chose na mazaza ghose, bapharazgi banandi bamadazi ghano na balongozgi bachisopo bali kwiza na chisambizgo chakuti mukhristu wakwenera kusuzgika na kulwara chara pa umoyo wake (“health and wealth”), icho chikusambizga kuti chikhristu ndi nthowa yakupokelera usambazi na vitumbiko kwakuyana na umo Baibulo likusambizgira. Munthowa zinandi, kawonekero ka Yesu nga ndi Mtebeti wakukomwa kakusinthika na fundo yakuphara kuti tili na nthamba za vitumbiko vyakuzara ivyo tikwenera kutapangapo waka. Munthu wakupulikana na Chiuta wakwenera kuzunura waka ivyo wakukhumba ndipo Chiuta wamupenge. Fundo izi zikupereka mafumbo ghanandi chomene pa kabiro ka Yesu, basambiri ba Yesu, na unenesko uwo wulipo kufumira pa vyakwimira chikhristu nga ndi: mphinjika, jotchero, ndopa, na mwana mberere. Kubikapo mtima pa usambazi na vitumbiko vikulongora chomene kusankha mavesi ghachoko waka kufumira mu Baibulo lose agho ghakulongora Yesu chatonda kwambura kulongora kukomwa kwake na kusuzgika kwake. Tikwenera kumuwonanso Yesu kuba mtebeti wa Chiuta mweneuyo wakakomwa na kusuzgika chifukwa cha banthu. Kasi imwe mungasachizga kuti tipambaniska wuli mphambano ya vigaba vibiri ivi pakumupulikiska Yesu na kovwira bakhristu kuti bamumanye na kumurondezga makora. Tingavwira wuli bakhristu kumanya khumbiro la Chiuta mumpingo wake lero? Mutu, muchira chara

2

2

3