Chiuta Mwana, Buku la Msambizgi

/ 5 3

CHIUTA MWANA

Yesu, Mesiya na Fumu pa vyose: Wakakhara na umoyo pa charu Chigaba chakwamba: Umunthu wa Khristu

CHISAMBIZGO

Rev. Dr. Don L. Davis

Yesu wakiza mucharu nga ndi munthu na ulato wakuvumbura na kulongora uchindami wa Chiuta Dada na kutiwombora kuzakwananga. Yesu wakaba munthu wakufikapo, mweneuyo mwari wakabungirizgika na nkhongono ya Mzimu Mtuba ndipo wakababika kufumira ku mwanakazi. Visambizgo vibiri vya mwaka vya utesi ivyo vikakananga kuti Yesu wakazgoka kuba munthu kweniso wakaba Chiuta: Nestorianism–Khristu wakaba pabiri muwumoza, na Eutychianism—Khristu wakaba yumoza muwubiri . Mphara ya kumsumba wa ku Nicea (325) na ya ku Chalcedon (381) zikamazga visambizgo ivi na kukhozgera kuti Yesu wakaba Chiuta wakufikapo kweniso Munthu wakufikapo. Visambizgo vyakupuruska vinyake vikakanga umunthu wa Yesu: Docetism chisambizgo icho chikazomerezganga kuti Yesu wakaba munthu chara na Apollinarianism chisambizgo icho chikazomerezganga kuti Yesu wakaba munthu wakufikapo chara. Ndipo wuli, Yesu ndi munthu wakufikapo ndipo wakutiyimira ise pamaso pa Chiuta mwakufikapo nkhanira nga ndi Msofi, muphemaniski, kweniso mukabiro kapya nga ndi Adamu wachibiri mweneuyo wakufiska vyose vya mukhumbiro la Chiuta. Ulato withu muchisambizgo cha, Umunthu wa Khristu ngwakuti paumaliro wachisambizgo mumanye kuwona ivi: • Mlimo wa Yesu Khristu mwachisanisani pa kwiza mucharu uwo ukaba kuvumbura kwa ise uchindami wa Chiuta Dada kwizira mu wunthu wake, kweniso kuponoska banthu kuzakwananga zawo na kuwuzga wa Satana. • Mazgu gha Chiuta ghakutisambizga umunthu wa Yesu wa ku Nazareti, mweneuyo wakababika kwizira munkhongono ya Mzimu Mtuba mwa Mariya mwari wakurangwa • Nyengo zikuruzikuru zakumanyikwa apo kabiro ka Yesu kakasuskika kwizira mu mphara za mpingo. Nestorianism, chisambizgo icho chikuphara kuti Khristu bakaba banthu babiri bakupambana na Eutychianism, chisambizgo icho chikuphara kuti Khristu wakaba na kabiro kamoza pera ndipo wakawonekanga pabiri. Visambizgo ivi vikasuskika chifukwa chakabiro kake kakukana kuti Yesu kuti Yesu wakaba munthu. Mphara zose zibiri za Nicea (325) na Chalcedon (381) zikamara makani agha pakupereka zgoro lakwenelera pakulabiska pa ivyo Baibulo likusambizga kuti Yesu wakaba Munthu wakufikapo na Chiuta wakufikapo.

Chigawa Chakwamba: Chisambizgo mwawufupi

peji 276  3

2