Chiuta Mwana, Buku la Msambizgi

8 2 /

CHIUTA MWANA

Yesu wa ku Nazareti panji Khristu wachipulikano

Mu mipingo yithu yinandi lero, chisambizgo chakukhwaska Yesu wa ku Nazareti chili kulekeka. Midauko, fundo, na maranguro gha Fumu yithu Yesu Khristu yili kulekeka. Ivyo vatora malo lero ndi visambizgo vyakutolera banthu kukupenjerezga usambazi na vitumbiko. Visambizgo vya Yesu ivyo ndi vya umoyo wa muyirayira vili kulekeka na kutayikira kuwaro kwa mpingo. Kuyowoya mwa unenesko wose, banthu awo bakutegherezga visamizgo ivi ndiwo bali na suzgo chifukwa bakutondeka bekha kutebeteska icho Baibulo likusambizga. Chisambizgo chakukuzga na kuthuwuska usambazi wapacharo ndicho banthu batemwa chomene kupulikizga na kubikapo mtima kuruska chisambizgo cha unenesko icho chikufumira mu Baibulo. Banthu banandi bakuwona ngati kuti ndicho ntchisambizgo cha unenesko chifukwa bakutondeka kulabiska kufumira mu Baibulo pa iwo bekha. Kughanaghana na mwamphu, vitumbiko, umoyo wambura matenda na usambazi ndivyo vyatora malo pa umoyo wa tabanthu kuno kulero. Uthengwa wa Yesu wakuti tiyeye mphinjika na kumurondezga Yesu vili kutayika kuwaro kwa mpingo. Banthu basubilira kusambizgana kubika mtima pa ndarama na usambazi. Kasi tikwenera kusambizga wuli banthu kuno kulero? Kasi Yesu wali kutilekera luso panji ndodomeko yakuti tilondezge pakusambizga banthu? Kasi Yesu wali kukomwa muthupi lake mwakuti timutore kuba chiyerezgero chithu panji wali kumomwa pawaka? Yesu wakiza mucharu nga ndi munthu na ulato wakuti wavumbure uchindami wa Chiuta Dada na kuwombora banthu kunkhongono ya Satana. Yesu wakaba munthu, mweneuyo wakababika na nkhongono ya Mzimu Mtuba na kuyeyeka munthumbo ya Mwari wa kurangwa, Mariya. Vismbizgo vya utesi vya mwaka ivyo vikasuskanga kuti Yesu wakaba munthu wakufikapo: Nestorianism— Khiristu wakaba ubiri mwa yumoza na Eutychianism— Khristu wakaba waka munthu yumoza pera . Mphara ya balongozgi iyo yikakumana mu msumba wa Nicea (325) na iyo yikakumana mu msumba wa Chalcedon (381) zikadumbirana na kumazga makani ya visambizgo vya utesi ndipo mphara izi zikakhozgera fundo yakuti Yesu wakaba munthu wakufikapo. Visambizgo vinyake vya utesi ivyo vikafumira mukuleka kupulikiska umo Yesu wakabira: Docetism chisambizgo icho chikapanikizgira kuti Yesu wakaba munthu chara na Apollinarianism icho chikapanikizgira kuti Yesu wakaba munthu mwakufikapo chara. Unenesko ngwakuti Yesu wakaba munthu mwakufikapo kweniso Chiuta mwakufikapo ndipo pachifukwa ichi wakutiyimira pamaso pa Chiuta nga ndi Msofi mlara, muphemaniski na kabiro kapya katanthu nga ndi Adamu wachibiri.

4

2

Kulongosora fundo ya chisambizgo