Chiuta Mwana, Buku la Msambizgi

9 0 /

CHIUTA MWANA

Fumbo lakukhwaska tose

Kujipereka

Yesaya 53.1-12 - Ndi njani wagomezga ivyo tapulika? Nkhwa njani uko nkhongono ya Fumu yawonekera? 2Pakuti wakakura panthazi pa Fumu nga ndi chiphukira, wakaŵa nga ndi musisi mu dongo lakomira. Iyo wakaŵavye kaŵiro nesi utozi kuti timulaŵiske chara, wakaŵavye kawonekero kaweme kuti timukhumbirenge. 3Iyo wakayuyurika na kukanika na ŵanthu, munthu wa vitima na wakuzgoŵera vyakuŵinya. Wakaŵa nga ndi uyo ŵanthu ŵakumunyanyara, wakuyuyurika ndipo tikamupima kuŵa chawakawaka. 4Nadi wakayegha vyakuŵinya vyithu, wakathwika vitima vyithu. Ndipouli tikamupima kuti Chiuta ndiyo wakumulanga, wakumutimba na kumusuzga. 5Kweni wakalasika chifukwa cha zakwananga zithu, wakapwetekeka chifukwa cha maubendezi ghithu. Iyo wakalangika kuti ise tiŵe ŵa msuma, ndipo na vilonda vyakhe ise tachizgika. 6Tose tapuruka nga ndi mberere, waliyose wa ise wakwenda mu nthowa yakhe na yakhe. Kweni Fumu yaŵika pa iyo, maubendezi ghithu ghose. 7Iyo wakanyekezgeka na kusuzgika, ndipouli kuti wakajula mlomo wakhe chara. Nga ndi mwana-mberere uyo wakurongozgeka kuya kakomeka, nga ndi mberere iyo yakhara waka chete para ŵakuyisenga, ntheura iyo kuti wakajula mlomo wakhe chara. 8Wakanyekezgeka na kweruzgika ndipo ŵakaruta nayo. Ndi njani mu ŵabali wakhe uyo wakapwererako? Pakuti wakawuskikako mu charu cha ŵanthu ŵamoyo, kuti walangike chifukwa cha zakwananga za ŵanthu. 9Ŵakamunozgera dindi pamoza na ŵaheni, ndipo wakasungika pamoza na ŵasambazi, nangauli wakachitapo chivulupi chara, nesi kuyowoyapo utesi uliwose. 10Ndipouli likaŵa khumbo la Fumu kumupweteka. Yamuŵika mu vyakuŵinya, para wakupereka umoyo wakhe kuŵa sembe yakuphepiskira majuvyo. Iyo wizamkuwona ŵa mu mphapu yakhe na kukhara umoyo utali, ndipo khumbo la Fumu lizamkufiskika mwa iyo. 11Wizamkuwona chandulo cha visuzgo vya umoyo wakhe, ndipo wizamkukhorwa nacho. Muteŵeti wane, kwizira mu mahara ghakhe, wizamkuyegha wizamkugowokera ŵanthu ŵanandi, na kuyegha zakwananga zawo. 12Ntheura ndizamkumupa malo pamoza na ŵakuzirwa, malo pamoza na ŵararaŵarara na ŵankhongono. Pakuti wakataya umoyo wakhe ku nyifwa, na kupendekera pamoza na ŵakwananga. Wakayegha zakwananga za ŵanthu ŵanandi, ndipo wakaŵaŵeyerera ŵakwananga. Umoza wa minthondwe ya chipulikano na chisopo cha chikhristu ndi kujikhizga na kujiyuyura kwa uChiuta kwizira mukujipereka, kukomwa na kufwa kwa Yesu Khristu pa mphinjika. Kujikhizga kwake, kujipereka kwake na kujiyuyura kwake vikutipangiska kuti tibe bakutondwa umo uChiuta wuliri. Kujipereka kwake pakukhumba kurondezga khumbiro la Chiuta Dada mwakujiyuyura na kujikhizga. Wakamanya kuti khumbiro la Dada likaba lakofya na lizithu kweni wakaligwentha chara. Kachitiro aka kakulongora kuti Yesu wakaba na mtima wakuponoska wenewuwo ngwakuzura na uchizi na lusungu. Mu Mazgu agho tabazga kufumira mu ntchimi Yesaya, ntchimi yikulongora kabiro ka uyo wakwiza. Wizamkuba wakujikhizga, kujiyuyura pachifukwa chakukhumba kuwombora na kuthaska

peji 284  2

3