Chiuta Mwana, Buku la Msambizgi

/ 9 1

CHIUTA MWANA

banthu. Chifukwa cha unonono wa banthu awo iye wakiziranga kuzakaponoska kukurongora kuzirwa kwakujiyuyura kwake. Yimoza mwa fundo zakuzirwa chomene mu chipaturo ichi yikutirongozgera mukusanga unenesko ukuru chomene wakukhwaska umunthu wa Fumu yithu Yesu Khristu na nyifwa yake mumalo mwithu. Kufumira Yesaya 53.3 6 ntchimi yikuphara mwakupereka ungweru na umo wamkuba wakujikhizga: “Iyo wakayuyurika na kukanika na ŵanthu, munthu wa vitima na wakuzgoŵera vyakuŵinya. Wakaŵa nga ndi uyo ŵanthu ŵakumunyanyara, wakuyuyurika ndipo tikamupima kuŵa chawakawaka. 4 Nadi wakayegha vyakuŵinya vyithu, wakathwika vitima vyithu. Ndipouli tikamupima kuti Chiuta ndiyo wakumulanga, wakumutimba na kumusuzga. 5 Kweni wakalasika chifukwa cha zakwananga zithu, wakapwetekeka chifukwa cha maubendezi ghithu. Iyo wakalangika kuti ise tiŵe ŵa msuma, ndipo na vilonda vyakhe ise tachizgika. 6 Tose tapuruka nga ndi mberere, waliyose wa ise wakwenda mu nthowa yakhe na yakhe. Kweni Fumu yaŵika pa iyo, maubendezi ghithu ghose.” Pakulabiska na lwana lose pa mazgu agha tikuwona umo banthu bakamukanira. Wakakanika, kutunduzgika, munthu wavitima, wakuzgobera urwirwi, wambura mapokelereko na wambura kutemweka. Wakawonekanga nga ndi mweneuyo wakakanika na Chiuta, kwene wakatiyeyeranga ise katundu wazakwananga kwithu, wakapwetekeka chifukwa cha zakwananga zithu, na wambura kutemweka. Wakasuzgika chifukwa chakutitolera ise mtende, kutundurizgika chifukwa cha mauheni ghithu, nanthimbo zake tili kupona nadi. Ise nga ndi mberere tose tili kuzgeba na kuruta nthowa yake na yake, ndipo Chiuta wali kumunyekezga na katundu mzitu wa zakwananga zithu. Unenesko uwu, wakuti kuyuyurika kwake kukaba chifukwa cha zakwananga zithu na kugarukira kwithu, ukwenera kubaba mwa ise tose kabiro kaweme na kakwenelera pamaso pa Chiuta. Mlembi wa sumu “pakulabiska mphinjira, iyo wakandifwirapo” wali kuphara makora na mwakwenelera makani agha apo wakalongosora umo Khristu wakakomwera chifukwa cha ise. Chitemwa cha Chiuta pakugumanya, kuwombora, na kuwezgerapo banthu kwa iyo mweneko, vikamututuzgira Chiuta kukulanga Muzga wake wa iyo mweneko mumalo mwithu, na kubika pa iyo kwananga kwa ise tose. Palije unenesko unyake, fundo panji kaghanaghaniro kanyake ako kangatipa ise kujimanya icho tili na vyakurondezgapo pa umoyo withu na umo kwananga kukachitira pa Yesu. Nthimbo zake, kuswazurika, kukanika, na kuyuyurika, vikachitika chifukwa chakuwura kupulikira kwithu, utesi, kujitemwa, kujikuzga na uryezi. Kwananga kwithu ndiko kukamutunduzgira kunyifwa. Usange tikurangurukapo na umo vikabira kuti ise ndise tikamupangiska kuti wafwe pa

3