Chiuta Mwana, Buku la Msambizgi

/ 9 3

CHIUTA MWANA

kwa njombe iyo yikaperekeka chifukwa cha kwananga kwithu apo Yesu wakafwa pa mphinjika mumalo mwa ise. Kasi imwe mukuwona kuti ntchakuzirwa wuli kuti banthu bayeyenge panji bavwarenge mphinjika pose apo bakwenda.

Mwamphu wa Khristu

Banthu banandi awo balabilira kanema wa Yesu bayowoyapo maghanoghano ghawo. Mipingo yinandi yapharazga uthenga uweme wa Chiuta mwakuwoneska kanema uyu. Kukomwa kwa Khristu uko kuli kulongoreka mukanema uyu kwapokelereka mwakupambanapambana, banji bakuzizwa usange vikachitika nadi mwantheura banji bakuzukuma kuti kasi Chiuta wangazomerezga wuli vyantheura kuti vichitike. Banji bakuwona kuti vinthu ivi vili kuchitika vyanadi chara ndipo mulije unenesko. Kasi imwe mukuwona kuti kasi vingaba unenesko ivyo kanema uyu wakuwoneska? Mumipingo yithu yinandi lero mukuyowoyekaso chara na za umo Khristu wakakomwera. Upharazgi unandi lero ukwima pakukondweska banthu na kubarongozgera waka kukukondweskeka. Usange mphinjika yiyowoyekenge, yikuzunurika panji kupharazgika mwakwenerezga uyo wakupulikizga kuruska umo yikatebetera pakuwombora tabanthu. Visambizgo vyakumukwezga Mesiya vyasinthisika na kuchiska banthu kuti babenge na kaghanaghaniro kaweme na kakunyoroka mwakuti babe na usambazi mucharu. Sumu izo zikurongora uchandami uwo ukiza na mphinjika zili kusezgekapo na kubikikapo za kukondweska banthu na kubapa nkhumbi izo ndi za mucharu. Kasi mukughanaghana kuti tingawelera wuli kuwupharazgi uwo ukuwuskira banthu kukukwezga mphinjika na kutolera banthu kuchiponosko? Kuchetama kwakuzizwiska mu Mpingo

2

3

3