Chiuta Mwana, Buku la Msambizgi

9 4 /

CHIUTA MWANA

Yesu, Mesiya na Fumu pa vyose: WAKAFWA Chigaba chakwamba: Kuyuyurika kwake na nyifwa yake

CHISAMBIZGO

Rev. Dr. Don L. Davis

Oden wakuyowoya kuti, Kuyuyurika kwa Yesu Khristu, kukukhwaska kwiza kwake mucharu kufumira kuchanya muwuchindami wake mwakuti wazakatifwire. Kujikhizga uku kukawonekera mukabiro kake kose kufumira apo wakababikira, muwumoyo wake na muwutebeti wake. Kufikapo kwenekoneko kwa kujikhizga na kujiyuyura kwa Yesu vili kuwonekera mumwamphu wake pa utebeti wake na nyifwa yake pa mphinjika. Nyifwa yake yingapulikiskika kwizira munthowa zinandi izo zikutipa kupulikiska makora chiponosko chithu icho chili mwa iyo. Nyifwa yake yikaba kuwombokwa kwithu, kulipirika kwa zakwananga zithu, kufwa mumalo mwithu, kutonda nkhongono za Satana na nyifwa, na kutiwezgeramo ku wene na wene na Chiuta. Ulato withu muchigaba cha Kujiyuyura kwake na nyifwa yake, ngwakuti mumanye kuwona vinthu ivi: • Kuyuyurika kwa Yesu Khristu kukuwonekera mukujikhizga kwake pakufuma kuchanya mu uchindami wake na kwiza mucharu kuzakatikomwera ise na kufwa mumalo mwithu. • Yesu wakalongora kujikhizga kwake mukabiro kake kose apo wakababika na mwanakazi, umoyo wake na nyifwa yake pa mphinjika. • Kufikapo kweneko kwakujikhizga kwake na kujiyuyura kukuwonekera mu mwamphu pa utebeti wake na nyifwa yake pa mphinjika. • Nyifwa ya Yesu yikupulikiskika kwizira munthowa zinandi izo zikutovwira kupulikiska vitumbiko ivyo vikwiza kwa ise kufumira mukukomwa kwake. Ivi vikusazgako fundo yakufwa kwa Yesu nga ndi chakulipira zakwananga zithu, chakutuniskira nduzga na ukari wa Chiuta, nga ndi chakunjira mumalo mwithu, nga ndi chakutonda nyifwa na kwananga kose, nga ndi chakuwezgerapo wene na wene pakati pa banthu na Chiuta. • Chipulikano cha Bapostole chikuphara pakweru kuti Fumu yithu Yesu Khristu wali kufwa chifukwa cha zakwananga zithu. Uku ndiko kukaba kufiskika kwa kujiyuyura na kujikhizga kwa Fumu yithu Yesu Khristu pa kufiska ulato uwo wakasidira uchindami wake kuchanya uko wakabako kwa chiyamwaka.

Chigawa chakwamba: Chisambizgo mwaufupi

3