Chizgoka na Ntchemo, Buku la Msambiri

7 6 /

C H I Z G O K A N A N T C H E M O

palije chisambizgo icho chikuluska chisambizgo chakuzirwa kwakubabikaso mwasono. Kubabika kwa mwana bonda ntchiyerezgero chakubabikaso kwa tabanthu ku umoyo wa uzimu. Umoyo uwo ukubabika ku charu, ntchinthu chakupereka chimwemwe na kusangwa. Yesu wakatebeteska kabiro kakubabika kwa banthu mucharu pa kutirongora umo kukukhumbikwira kubabikaso ku uzimu kwizira mu chipulikano mwa iyo. Nkhani yakubabikaso yikutiphalira za wupya, chinthu chakuchitikira ku uzimu withu. Kubabikaso nkughanaghana mwakufikapo vyakuchitika vyapadera na vipya pa umoyo wa munthu, ivyo vikupereka kukura kupya na kusinthika kwakufumira mukati. Apo Yesu wakuyowoya ka kwamba za chisambizgo ichi kwa Nekodimo, wakamanya chara kuti wakuyowoya na utebeti wa Mzimu Mtuba na Mazgu gha Chiuta. Nekodimo wakazukuma kuti kasi kungaba wuli kuti muntu mulara wanjireso munthumbo ya nyina na kubabikaso. Wakamanya chara na pachoko pose ching’anamuro cha ivyo Yesu wakayowoyanga na vya uzimu. Kuti munthu wapokere umoyo wamyirayira, kunjira mu ubare na Chiuta mwa Yesu Khristu, munthu wakwenera kubabikaso ku uzimu mwa chipulikano mwa Yesu Khristu. Pakumugomezga, Chiuta wakutebeteska Mazgu gha Chiuta nga ndi mbewu agho ghakulenga umoyo wupya mwa munthu wakupulikana, kabiro ako kakwiza kufumira kwa Chiuta kwizira mu Mzimu Mtuba. Mazgu gha Chiuta ghakupereka kuzgoka mu umoyo wa munthu wakupulikana; ghakuchita mwakujumpha kusintha panji kulongosora umoyo wa munthu, kwene ghakuzgora umoyo wa munthu mwakufikapo. Usange Yesu wanjira mu umoyo wa munthu, mwachipulikano, munthu wakubabikasomwasono, na ulatowakufumiska umoyo wa Yesu Khristu mwa munthu yura. Ichi ndicho chifukwa kkujipereka kwa mukhristu kungamanyikwa na vyakuchitika na vyakuchitika kuwaro chara, pakusunga marango gha mpingo panji gha mu Baibulo. Ulato wa Chiuta ngwakulenga na kulongora ku banthu umoyo wupya mu banthu bakupulikana, umoyo wake weneko kuti wube chakwimilirapo cha mkhristu pawukhaliro na kabiro ka mkhristu. Mukawonekero kithu tikuwoneka nga mbapapi bithu, kabiro na machitiro ghithu gha vinthu. Usange tili kubabika kufumira kwa Chiuta tikwenera kuwoneska kabiro kake, kabiro kake, na umoyo wake. Labiskaniso pa Mazgu gha Yesu Khristu: Yohane 3.3-6 - 3 3 Yesu wakamuzgora wakati, “Inya, inya nadi, nkhukunenera kuti kwambula kuti munthu wababika muphya wangamanya kuwona Ufumu wa Chiuta chara.” 4 Nekodimo wakafumba wakati, “Kasi kungaŵa uli kuti munthu wababikeso uku ndi murara kale? Kasi wanganjiraso mu nthumbo ya ŵanyina na kubabikaso?” 5 Yesu

3