Chizgoka na Ntchemo, Buku la Msambiri

/ 7 7

C H I Z G O K A N A N T C H E M O

wakazgora wakati, “Inya, inya nadi, nkhukunenera kuti kwambula kuti munthu wababika na maji na Mzimu wangamanya kunjira mu Ufumu wa Chiuta chara. 6 Icho nchakubabika na thupi ncha thupi, ndipo icho nchakubabika na Mzimu ncha Mzimu. Ntchipulikano mu Mazgu gha uthenga wa Uweme wa Yesu Khristu chekha icho chakupereka umoyo wupya mwa Yesu Khristu mwa wakupulikana. Kasi imwe mukwima wuli pamaso pa Chiuta? Kasi mukuwoneska kukozgana, vimanyikwiro ivyo vikuwoneska kabiro ka Chiuta mwa chipulikano mwa Yesu Khristu? Mukwenera kubabikaso mwasono ku uzimu winu. Dada Chiuta wamuyira yira, wise wa Fumu yithu Yesu Khristu, tikumuchemani kuti “Abba!” pakuti imwe ndimwe Dada withu mwa chipulikano mu mwana winu. Mwachipulikano mu uthenga uweme wa Yesu Khristu, muli kutizgora ise, na kutipa umoyo wupya, kutisintha pakulengaso mwa ise umoyo wa mwana winu Yesu Khristu. Tingayowoyachi ise, sono pakuti sono mwatizgora kuba bana binu bakutemweka? Khumbiro lithu limoza pera ndakuti tikozgane na imwe, Dada, tibe nga ndi mukuru withu, Yesu Khristu na kumupulikirani imwe mpaka kuwumaliro, kumukondweskani pa vinthu vyose ivyo tikuchita, na kuwoneska charu kuti tikukozgana na imwe pera mu vhose ivyo tikuchita. Tizuzgani na Mzimu Mtuba mwakuti tilongore kabiro kinu mpaka tilongore kabiro kinu muvinthu vyose pa umoyo withu. Mwa Yesu Khrirtu Fumu yithu, Amen! Fumu yane, Chiuta wane, ine ndili winu, wakulengeka muchikozgo chinu na wakubikika mucharu muno na imwe mukhumbiro linu. Nasuzgika chomene na kuyezgeka mu vinandi. Mundipe lero uchizi winu mwakuti ndimanye kumumanyani imwe kuti ndili winu ndipo muli bane. Ndovwirani kulindizga kwa imwe kuti mundovwire na kundithaska. Amen Kufumira mu buku la Martin Luther. Devotions and Prayers of Martin Luther. Trans. Andrew Kosten. Grand Rapids: Baker Book House, 1965. p. 27. Usange mwamalizga kuphara chipulikano cha Bapostole panji kwimba, Rombani lurombo ulu :

Chipulikano cha Bapostole

3