Kutafsiri Biblia: Capstone Module 5 Swahili Mentor Guide

1 0 4 /

K U T A F S I R I B I B L I A

endapo inakinzana na yale ambayo Ukristo umefundisha katika kanuni za imani na katika historia nzima ya Kanisa? Elezea. * Kwa nini tunapaswa kuwa tayari kuwaruhusu wengine kuhakiki na kukosoa matokeo ya kujifunza kwetu na mawazo yetu kabla hatujatangaza kwamba tumegundua kanuni za jumla ambazo zinawahusu wakristo wote? Je, ni mitazamo ya aina gani tunapaswa kuonyesha tunapozungumza kuhusu mambo mapya ambayo tumejifunza kutoka kwa Bwana? * Je, tunapaswa kumchukuliaje mtu, hata awe mwanazuoni na msomi mbobevu, ambaye hataki mawazo yake kupimwa na kukaguliwa kwa mujibu wa mafundisho ya Biblia yenyewe? Je, ni kwa jinsi gani mfano wa Waberoya na mwitikio wao kuhusiana na mafundisho ya Paulo unatukumbusha jukumu letu la kuwa tayari kuchunguza tafiti za wengine kwa kuzilinganisha na maandiko yenyewe (rej. Mdo. 17:11)? * Kwa kuwa sisi sote si waalimu na wasomi wa Biblia, ni nini kinachopaswa kuwa lengo letu tunapojihusisha wenyewe na shughuli ya kufasiri Biblia? Je, tunapaswa kujisikia vibaya endapo baadhi ya washirika katika mwili wa Kristo watapata mafunuo zaidi katika kujifunza kwao kuliko sisi? Karama za kiroho zinahusikaje na hoja hii? * Kwa nini ni muhimu kutowategemea wengine ili kupata maarifa na hekima iliyomo katika Biblia? Ni makosa ya aina gani yanaweza kutokea tunapo wategemea wengine kupita kiasi kwa habari ya mafundisho na ukuaji wetu katika Kristo? * Kwa nini si busara kudhani kwamba kumtegemea Roho Mtakatifu katika kujifunza kwetu Biblia ni mbadala wa kazi ngumu ya kutafsiri Biblia? Unawezaje kujua kwamba humtegemei Roho Mtakatifu kupata ufahamu katika jitihada zako binafsi za kujifunza? Kadhalika unawezaje kutambua endapo unalemewa na uvivu kwa namna unavyolitumia na Neno la kweli? * Kwa nini sikuzote ni muhimu kujifunza Biblia kwa kuzingatia mambo makuu yaliyokaziwa na Bwana wetu, pamoja na mitume na manabii? Mafundisho yao juu ya upendo kwa Mungu na jirani yanatusaidiaje kuelewa kwamba Biblia nzima, yaani Agano la Kale na Agano Jipya, ina mada na kusudi moja ? Elezea.

2