Kutafsiri Biblia: Capstone Module 5 Swahili Mentor Guide

/ 1 0 5

K U T A F S I R I B I B L I A

La msingi ni lile asemalo Mchungaji tu!

MIFANO

Katika madhehebu mengi, bila kujali mbinu ya kujifunza kibinafsi inayotumiwa kuelewa maana ya Biblia, mantiki ya mafundisho ya maandiko hutegemea mapokeo ya kanisa na/au viongozi rasmi wa kanisa. Hili liko wazi, kwa mfano, katika mfumo wa Kikatoliki wa kutafsiri Biblia. Ingawa suala la kujifunza Biblia kwa mtu binafsi linahimizwa na kupongezwa kuwa ni jambo zuri na la kujenga, kanuni za kibiblia zilizogunduliwa na mtu binafsi haziwezi kamwe kuchukua nafasi ya kwanza kuliko mafundisho yaKanisa kama yanavyoeleweka kwa karne nyingi, na yanavyowakilishwa sasa kupitia mafundisho ya Maaskofu na ya Papa. Waprotestanti hawakubaliani na maoni haya, lakini katika makanisa mengi ya Kiprotestanti, tafsiri ya mtu binafsi haichukuliwi kuwa ya kuaminika isipokuwa ikiwa inalingana na kile mchungaji au viongozi wa kiroho wanaamini na kufundisha. Je, mamlaka ya kichungaji na uongozi wa kiroho ina nafasi gani katika tafsiri zetu binafsi za Biblia? Je, yote tunayogundua yanapaswa kuthibitishwa na viongozi wetu, au wao, kama sisi, wako chini ya wajibu uleule wa kuoanisha maoni yao na maandiko ili yaweze kuaminika na kukubalika? (Kutokana na kisa cha kweli). Akiwa katika Chuo akichukua Shahada ya Uzamili, mchungaji chipukizi alikumbana na wazo ambalo lilimpa changamoto na kumchanganya kwa kiasi fulani. Wakati wa somo kuhusu mbinu za uchunguzi wa kisayansi wa dini, aliambiwa na profesa wa somo hilo kwamba kutumia tu Biblia kuthibitisha hoja za Biblia ni “tautolojia,” au kutengeneza mzunguko wa ubishi usioweza kuthibitisha chochote. Profesa huyo aliendelea kusema: “Ikiwa unataka kuthibitisha kwamba jambo fulani katika Biblia ni la kweli, huwezi kutumia Biblia hiyo hiyo kulithibitisha. Katika mbinu ya kisayansi unathibitisha mambo kwa msingi wa uthibitisho wa kujitegemea , si kwa msingi wa wale ambao wana faida binafsi kutokana na matokeo ya utafiti.” Profesa huyo aliendelea kudokeza kwamba kwa sababu manabii na mitume walimwamini Kristo, walikuwa katika hatari kubwa endapo wangesema jambo lolote kinyume na Yesu isipokuwa yale ambayo walitaka watu wengine waamini. Kwa sababu hiyo, alisisitiza, hatuwezi kuchukua ushuhuda wao kuhusu Yesu wa Nazareti na madai yake kuwa wa kweli. Akiwa amechanganyikiwa, mchungaji huyu darasani alijihisi kama mtu aliyevunjwa miguu kabisa. Anawezaje kuthibitisha fundisho la maandiko bila kutumia maandiko yenyewe kama ushahidi? Unafikiri nini kuhusu maoni ya profesa, na ungemshauri mchungaji afanye nini ili aweze kukamilisha masomo yake katika kozi ile? Tunawezaje kuthibitisha kitu Chochote kutoka katika Maandiko Matakatifu?

1

2

2