Kutafsiri Biblia: Capstone Module 5 Swahili Mentor Guide

/ 1 7 1

K U T A F S I R I B I B L I A

12 Basi watu wengi miongoni mwao wakaamini, na wanawake wa Kiyunani wenye cheo, na wanaume si wachache. Katika jitihada zetu za kuelewa kusudi na mpango wa Mungu kupitia ufasiri wa maandiko, ni rahisi kupotea katika masuala madogo yasiyo na umuhimu sana, kuwekea mkazomambo yasiyo ya msingi na kukosa kiini na mantiki ya kile ambacho Mungu alikusudia kuzungumza nasi. Ni jambo gani la maana zaidi katika kujifunza kwetu Neno la Mungu? Ni kutafuta kuwafanya wengine wavutiwe na kutuheshimu kwa sababu ya ufahamu mpana tulioupata kutokana na kutumia masaa mengi katika kuchunguza maandiko? Ni kwa sababu tunapenda kukosoa tafsiri za wengine zisizo sahihi kwa sababu hawaelewi maana za lugha za silia za maandiko, au kwa sababu tunafurahia sana kuwaonyesha namna ambavyo hawana ufahamu katika masuala ya kihistoria na kisarufi ya maandiko na hivyo wanafanya makosa mengi katika kutafsiri Biblia? Ni kwa vile tunafurahia kusifiwa na watu kwamba tuna ujuzi na ufahamu mwingi, na wengine wanatuheshimu sana na kutafuta ushauri kwetu kwa sababu ya ujuzi wetu mwingi wa Neno? Tunataka wengine washangae juu ya kina na ustadi wa mafundisho yetu, na jinsi tunavyowashangaza wasikilizaji kwa ufahamu wetu wa ajabu katika mambo ya ndani zaidi ya Mungu? Shauku ya namna hii iliyopotoka ipo sikuzote katika jitihada zetu za kujifunza Neno la Mungu, na ni ajabu kwamba maandiko yenyewe yanatupa kidokezo cha aina sahihi ya mtazamo tunaohitaji linapokuja suala la umahiri wa kiufundi katika maarifa ya Neno la Mungu. Badala ya kutafuta kuwavutia wengine au kuwashinda katika ujuzi na kujifunza kwetu maandiko, ni lazima, zaidi ya yote, tujielekeze kwenye Biblia yenyewe. Kwa maneno mengine, kwa habari maswali yote yanayohusiana na Kristo na Ufalme wake, ni lazima tujitiishe kwa heshima na kujenga nidhamu ya kwenda katika Biblia yenyewe ili kupata majibu tunayohitaji. Hatupaswi kucheza tupendavyo, wala kuunda vikundi vya uongo, tusiwe wafuasi wa waalimu wa uongo wa madhehebu yanayoibuka kila kukicha, au kuvutiwa na maonyesho ya nje wafanyayo wengine. Katika ilivyo kwa mambo yote ya kiroho, lazima tutafute majibu kupitia uchunguzi binafsi wa maandiko yenyewe. Hii ndio aina ya mwelekeo tunaouona waziwazi katika mfano wa Waberoya waliosikia mahubiri na mafundisho ya Paulo na Sila baada ya kuwa na huduma yenye matunda katika Thesalonike kama ilivyorekodiwa katika Matendo 17:1 9. Baada ya mwitikio mzuri walioupata kwa Wayunani wengi wacha Mungu na wanawake wachache mashuhuri katika Thesalonike, Paulo na Sila walisakwa na washirika wa kikundi cha Kiyahudi cha jiji hilo ambacho kilikataa mafundisho yao. Walipowakosa Paulo na Sila, umati wa watu ulipeleka malalamiko yao kwa Yasoni na wengine walioambatana na Paulo, wakiwashutumu kwa kuupindua ulimwengu na kuendeleza huduma yao ya kuvuruga imani ya Kiyahudi (17:6 na kuendelea).

4