Kutafsiri Biblia: Capstone Module 5 Swahili Mentor Guide

5 4 /

K U T A F S I R I B I B L I A

uwezo wetu wa kulifahamu Neno la Mungu kwa faida ya ufuasi binfasi na huduma? Elezea. * Kati ya vipengele vyote vikuu vya uhakiki wa kisasa wa Biblia, ni kipi unafikiri kinaweza kuwapa viongozi wa Kikristo wa mijini maarifa bora zaidi katika kulielewa na kulitumia Neno la Mungu katika maisha na huduma?

MIFANO

Mapokeo na/au Maandiko

Kwa idadi kubwa ya Wakristo walio hai leo, jukumu la mamlaka ya Kanisa lina nafasi kubwa zaidi ya ufasiri binafsi wa Biblia. Mamlaka ya papa kwa Wakatoliki yanatoa mwongozo na mtazamo ambao kwa huo wakristo wakatoliki hutafsiri Biblia; wanasisitiza kwamba ingawa Biblia inaweza kutumika kwa matumizi binafsi, haipaswi kufasiriwa pekee kama kitabu cha matumizi binafsi. Hoja yao ni kwamba kuwa Mkristo ni kuwa sehemu ya “ushirika wa watakatifu,” waaminifu kwa Kristo ambao katika vizazi vyote wameshikamana na tumaini la uzima wa milele pamoja na wale wote wanaoshikilia kweli ya Kristo kwa uthamani mkubwa. Kwa upande mwingine, Waprotestanti wengi wanaelewa Biblia kama mamlaka “isiyo na makosa” na “isiyowe kukosea” katika maisha ya Wakristo wote. Tatizo pekee la mtazamo huo juu ya Biblia ni kwamba umesababisha kuibuka kwa maelfu ya harakati na madhehebu huru, ambayo yote yanadai kuwa na uhusiano na “mamlaka ya Biblia.” Unapata hitimisho gani kutokana na mjadala huu kuhusu mapokeo na maandiko? Na sisi tunatakiwa kuchukuliaje nafasi ya mapokeo katika kutafsiri Biblia? Katika mjadala mkali miongoni mwa wanafunzi wa seminari kwa habari ya mamlaka ya Biblia, mwanafunzi mmoja alitaka majibu juu ya faida za mjadala kuhusu masuala ya uvuvio na masuala ya mamlaka. Alisema kuwa “Kwa kuwa hatuwezi kujua kwa uhakika usahihi wa nadharia yoyote kati ya hizi, ni kama tunapoteza muda mwingi kuzungumzia mawazo ambayo hayawezi kuthibitishwa. Inaleta tofauti gani ikiwa hatuwezi hata kudhibitisha kuwa nadharia mojawapo kati ya hizi ndio sahihi. Kwa nini tusiichukue tu Biblia kama inavyosema na kukiri kwamba Biblia ni Neno la Mungu, kwamba Mungu aliivuvia, na kwamba inastahili kutegemewa kwa habari ya imani na huduma zetu?” Wengine walisisitiza kuwa msimamo wa mwanafunzi huyu ulikuwa msimamo wa kijinga. Kama wanafunzi wa seminari na viongozi wa Kikristo, lilikuwa ni jukumu lao kuuliza “maswali magumu” na kwenda mbali kadri iwezekanavyo kupata maana ya maswali haya na mengine yanayohusiana nayo juu ya Biblia. Je, unadhani ni nani yuko sahihi katika maoni yao kuhusu hoja hizi? Hakuna njia ya kujua kwa hakika

1

1

page 315  8

2