Kutafsiri Biblia: Capstone Module 5 Swahili Student Workbook

/ 1 7 5

K U T A F S I R I B I B L I A

navyo, idadi kubwa ya Wakristo bado wana mashaka makubwa na tafsiri nyingi za hivi karibuni zaidi. Kwa kuona aina za masuala ya kijamii yanayoathiri watafsiri, watu hawa wanaamini kwamba Neno la Mungu kwa kweli limeharibiwa na tafsiri hizi mpya zaidi. Ni imani yao kwamba wasiwasi mwingi uliopo juu ya masuala ya usawa wa kijinsia, hisia za kitamaduni, na mabishano mengi ya kimaadili yaliyopo katika jamii yamechafua tafsiri na kuwalazimisha watafsiri kubadilisha kwa hila maana ya maandiko ili kuendana na mazingira ya kijamii ya nyakati tulizonazo. Ingawa shutuma hizi nyingi zimetiwa chumvi, inaonekana kuwa madai haya yanawakilisha kwa usahihi mtazamo wa wengi kuhusu tafsiri hizi. Unahisi hivyo pia kwamba tafsiri nyingi za kisasa zimewekea mkazo mwingi masuala ya “usahihi wa kisiasa”, au unadhani wanchokifanya watafsiri wa kisasa ni kusasisha tu Neno la Mungu kwa namna ambayo wasomaji wa kizazi hiki wanaweza kulielewa?

Mafunzo ya Biblia: Kutumia zana za kujifunzia katika kujifunza Biblia Sehemu ya 1: Zana za Msingi

YALIYOMO

Mchungaji Dkt. Don L. Davis

Kutokana na kazi njema za mamia ya wasomi wenye bidii wanaothamini na kuyapenda maandiko, tunaweza kupata zana nyingi za kitaalamu zinazoweza kutuwezesha kuelewa maana za maandiko ya Biblia. Kusudi muhimu la matumizi yetu ya zana hizi ni kutusaidia kuziba mapengo mbalimbali kati ya ulimwengu wa Biblia na ulimwengu wetu wa sasa. Jambo hili linamsaidia mtafsiri wa Biblia mwenye bidii kuwa mwaminifu zaidi kwa Neno la Mungu kwa kumwezesha kugundua kwa upya maana za maandiko katika muktadha wake wa asili. Zana za msingi za ufasiri wa Biblia ni pamoja na tafsiri nzuri ya Biblia, kamusi za Kiyunani na za Kiebrania zilizowekwa kwenye mfumo wa nambari wa Strong, kamusi thabiti ya Biblia, konkodansi, na vitabu vinavyoaminika vya ufafanuzi wa kieksejesia ambao unazingatia zaidi kutoa maana ya kibiblia ya kifungu. Zikitumiwa katika nafasi na nyakati sahihi, zana hizi zinaweza kuthibitisha namna zilivyo na thamani kubwa katika kuziba pengo kati ya ulimwengu wa Biblia na ufahamu wetu kuhusu ulimwengu huo. Lengo letu katika sehemu hii, Zana za Msingi , ni kukuwezesha kuona kwamba: • Kutokana na mamia ya wasomi wa kibiblia wenye bidii na teknolojia mpya, sasa tunaweza kupata zana nyingi thabiti za kitaalamu ambazo zinaweza kuboresha sana uwezo wetu wa kuelewa, kutumia, na kufundisha wengine maana za maandiko ya Biblia.

Muhtasari wa Sehemu ya 1

4