Kutafsiri Biblia: Capstone Module 5 Swahili Student Workbook

2 0 8 /

K U T A F S I R I B I B L I A

c. Isaya 8:20

3. Jaribuni kila jambo: lishikeni lililo jema (yaani, lile linalokubaliana na Neno la Mungu), 1 Thes. 5:21.

Hitimisho

» Pamoja na zana za msingi za ufasiri wa Biblia, zana nyingine nyingi za kihistoria, kitheolojia, na za ufafanuzi zipo ambazo zinaweza kuimarisha ufahamu wetu wa Neno la Mungu. » Bila kujali ni zana gani tunazotumia, hakuna hata moja kati ya hizo ambayo inakusudiwa kutumika kama mbadala wa nidhamu yetu katika kujifunza, sala, na utii kwa Neno la Mungu. » Hata hivyo, ikiwa tutakuwa waangalifu na kutumia zana hizi kwa usahihi, yaani, kama njia ya kuelewa ulimwengu wa Biblia, zana hizi zinaweza kuleta mapinduzi katika jitihada zetu za kujifunza Neno. » Si tu kwamba tutalishwa vizuri zaidi, bali kupitia zana hizi, tutaweza kuhubiri habari njema za Ufalme na kulisha kundi la Mungu kama Kristo alivyotuamuru kufanya. » Mungu na atupe shauku na nguvu za kuwa watenda kazi wanaojifunza ili kuthibitisha kuwa ni watenda kazi wenye bidii katika Neno la Mungu, tukitumia kwa halali Neno lake kamilifu na la kweli! Maswali yafuatayo yaliundwa ili kukusaidia kupitia yale uliyojifunza katika video ya sehemu ya pili. Sehemu hii mahususi ya somo ililenga kuangazia baadhi ya zana za ziada katika ufasiri wa Biblia ambazo zinaweza kuboresha sana namna yetu ya kujifunza Neno la Mungu. Zana hizo zilihusisha kupata tafsiri kadhaa tofauti za Biblia, atlasi ya Biblia na kitabu cha mwongozo wa Biblia, Biblia yenye mada, kamusi ya theolojia, na vitabu vya ufafanuzi vya aina mbalimbali. Zana hizi zote zinaweza kutupatia msaada muhimu sana katika kuondoa ombwe lililopo kati ya ulimwengu wetu na ulimwengu wa waandishi na hadhira yao. Tumia maswali yafuatayo kupitia baadhi ya mambo tuliyojifunza kuhusu zana hizi, ukizingatia hasa sheria na kanuni ambazo tunapaswa kuzifahamu ili kutumia zana husika kwa usahihi katika jitihada zetu za ufasiri wa Biblia.

4

Sehemu ya 2

Maswali kwa wanafunzi na majibu