Kutafsiri Biblia: Capstone Module 5 Swahili Student Workbook

2 1 0 /

K U T A F S I R I B I B L I A

8. Iwapo ungelazimika kutoa kauli moja kuhusina na “matumizi sahihi” ya zana za kufasiri Biblia, ungesema nini? Kwa nini tusikubali maelezo yoyote ya zana yoyote ambayo inaelekea kukana au kupinga ushuhuda wa maandiko yenyewe? Elezea. 9. Kwa kuzingatia kusudi la Biblia la “kukuhekimisha hata upate wokovu kwa imani iliyo katika Kristo Yesu” (rej. 2 Tim. 3:15), kwa nini katika matumizi yetu ya zana zote kisikubalike kitu chochote kinachotia shaka mafundisho ya wazi ya maandiko kuhusu Kristo na kazi yake ya ukombozi? Elezea. Somo hili linaangazia lengo la kuziba pengo kati ya dunia mbili, ulimwengu wa maandiko ya Biblia na ulimwengu wetu wa sasa, na seti ya ajabu ya zana na nyenzo zilizoundwa ili kutusaidia kufanya kazi hii. Kwa namna moja, kazi yoyote ya ufasiri wa Biblia wenye ufanisi imekusudiwa kutusaidia kuelewa vizuri zaidi hali ya ulimwengu huo uliopita, ili tusifanye makosa ya kihistoria, kitheolojia, kisarufi au kitamaduni tunapotafuta kuelewa maana ya maandiko ya Biblia tunayojifunza. Zilizoorodheshwa hapa chini ni mada na dhana kuu zinazohusiana na matumizi sahihi ya zana za msingi na za ziada za ufasiri wa Biblia. Unapopitia dhana hizi kumbuka daima madhumuni ya zana hizi, na jinsi matumizi yake sahihi yanaweza kubadilisha namna tunavyojifunza maandiko. ³ Kwa sababu ya uwepo wa mamia ya wasomi wa Biblia wenye bidii na kujtoa kwingi, na ubora wa teknolojia mpya, sasa tunaweza kupata safu kubwa ya zana thabiti za kitaalamu ambazo zinaweza kuboresha sana uwezo wetu wa kuelewa na kutumia maana ya maandiko ya Biblia na kufundisha wengine. Kusudi la msingi la zana hizi ni kutusaidia kuziba mapengo mbalimbali kati ya ulimwengu wa Biblia na ulimwengu wetu wa sasa. ³ Ufunguo wa kuelewa zana mbalimbali za ufasiri wa Biblia ni kutambua jinsi gani na kwa njia gani zana fulani hutusaidia kuondoa ombwe lililopo kati ya utamaduni wetu na ule wa waandishi wa Biblia na hadhira zao. ³ Zana za kimsingi ni pamoja na tafsiri nzuri ya Biblia, kamusi za Kiyunani na za Kiebrania zilizowekwa kwenye mfumo wa nambari wa Strong , kamusi ya Biblia thabiti, konkodansi, na vitabu vya ufafanuzi wa kieksejesia unaoaminika ambao umejikita katika maana ya kibiblia ya kifungu.

MUUNGANIKO

Muhtasari wa Dhana Muhimu

4