Kutafsiri Biblia: Capstone Module 5 Swahili Student Workbook

2 1 2 /

K U T A F S I R I B I B L I A

na kazi zinazohusu historia na desturi za Biblia. Zana hizi zinaweza kutoa kiasi cha kushangaza cha taarifa juu ya ulimwengu wa maandiko, lakini lazima zisomwe kwa uangalifu ili kutofautisha data ya kihistoria na tafsiri inayohusu uhalali wa maandiko yenyewe . ³ Zana nyingine ni muhimu hasa kwa ajili ya kupata taarifa za usuli juu ya mwandishi, tarehe, na hali au mazingira ya kitabu, na matumizi fulani maalum ya lugha katika ufasiri na ufafanuzi (taashira, sitiari, lugha ya kitamathali, n.k.). Zana hizi ni pamoja na vitabu vya miongozo ya Biblia, Biblia za kujifunzia, na miongozo ya taswira za Biblia. Tunapaswa kuwa waangalifu katika kupima maoni yaliyomo katika nyenzo hizi tukijua kwamba ni mitazamo na mawazo ya waandishi wenyewe na sio maandiko yenyewe . ³ Vitabu vya ufafanuzi ni visaidizi vya kutusaidia kufasiri maana ya kitabu fulani cha maandiko katika mtazamo wa mchungaji fulani, msomi fulani, au mfasiri fulani wa Biblia. Kuna aina nne kuu za vitabu vya ufafanuzi kama visaidizi katika kujifunza kwetu: vitabu vya ibada, mafundisho, ufafanuzi, na homiletiki (yaani, visaidizi vilivyoundwa mahususi kwa ajili ya wahubiri na walimu kutoa mahubiri na kuandaa masomo ya Biblia). Ingawa vitabu vya ufafanuzi vinaweza kuongeza maarifa yetu juu ya maandiko, havipaswi kamwe kufanyika mbadala wa jitihada zetu binafsi za kujifunza maandiko yenyewe. ³ Matumizi sahihi ya zana hizi za msingi na za ziada ni yale yanayolenga kutusaidia kuziba pengo kati ya dunia hizi mbili: ulimwengu wa maandiko na ulimwengu wetu wa sasa. Hakuna maelezo au dhana kutoka kwa mfasiri yeyote inayopaswa kukubaliwa endapo itakanusha au kupinga ushuhuda wa maandiko yenyewe. Hakuna chochote katika zana yoyote kitakachokubaliwa ikiwa kitaonekana kupingana na fundisho lililo wazi la maandiko kuhusiana na Kristo na kazi yake ya ukombozi kwa njia ya msalaba. Sasa ni wakati wa kujadili na wanafunzi wenzako maswali yako kuhusu matumizi ya zana katika kufasiri Biblia. Ashukuriwe Mungu kwa wingi wa nyenzo hizo za kutusaidia katika kujifunza Biblia. Ni lazima tuwe waangalifu, hata hivyo, ili kutozifanya zana hizi kuwa mbadala wa jitihada zetu binafsi za kujifunza. Ni lazima tutathmini kwa uangalifu namna tunavyotumia zana hizi katika matumizi yetu binafsi ya Biblia, na tutafute kugundua jinsi zinavyofaa kwa ajili ya maendeleo na kukua kwetu. Tumia maswali yaliyo hapa chini kutathmini jinsi unavyotumia vifaa hivi sasa katika kujifunza na kutumia Biblia.

4

Kutendea kazi somo na matokeo yake kwa mwanafunzi.