Kutafsiri Biblia: Capstone Module 5 Swahili Student Workbook

/ 2 1 3

K U T A F S I R I B I B L I A

* Unamiliki zana ngapi za msingi kwa sasa katika maktaba yako binafsi? Kati ya hizo, ni zana gani unayotumia mara nyingi zaidi unapojifunza maandiko mwenyewe? * Unaweza kukadiriaje ufahamuwako kuhusiana na pengo kati ya ulimwengu wa Biblia na ulimwengu wetu wa sasa; ungewezaje kujitathimini zaidi katika suala zima la jitihada za kuondokana na pengo hilo kupitia matumizi yako ya zana? * Unaelewa namna zana mbalimbali zinavyofanya kazi, kwa maneno mengine, jinsi na kwa njia gani kila zana hutoa maarifa ili kukusaidia kuondokana na pengo fulani la maarifa kati ya utamaduni wetu na ule wa waandishi wa Biblia na hadhira zao? * Kati ya zana za msingi, ni ipi ambayo hutumii zaidi, na kwa nini? Kadhalika, kati ya zana za ziada, ni zipi ambazo unatumia zaidi ya zote, na kwa nini? * Ni mfululizo gani wa vitabu vya ufafanuzi unaotumia zaidi? Unafahamu misimamo na mawazo mahususi ambayo zana hizo zinasimamia? Hilo linaathiri vipi matumizi yako ya zana hizo? * Ni tafsiri gani ya Biblia unayotumia mara nyingi zaidi? Unamiliki tafsiri ngapi za Biblia, na unazitumiaje katika kujifunza kwako Neno? Zinakusaidiaje kupata maana ya vifungu mbalimbali vya maandiko? * Ni wakati gani unapopata muda mara nyingi wa kujifunza Biblia kihalisi – una mazoea yoyote ya kawaida, au unasoma unapoweza? Unajifunza Biblia katika kikundi kidogo, na rafiki au mshauri, na mchungaji, au kanisani? Utahitaji kufanya mabadiliko ya aina gani katika ratiba yako ili kuhakikisha kwamba unajifunza Biblia kwa mpangilio maalum? * Unatunzaje kumbukumbu za matokeo ya muda wako wa kujifunza– kwenye kompyuta, maandishi yaliyoandikwa kwa mkono, kwa njia nyingine? Unahifadhi vipi madokezo yako, na je, una mfumo wa kuyapitia, mara tu unapomaliza kujifunza? * Unapokutana na neno gumu au kifungu kigumu cha Biblia, hatua yako ya kwanza ni kwenda kwenye maandiko mengine ili kuelewa, au unaenda mara moja kwenye vitabu vya ufafanuzi na kamusi? Je, hii ni tabia nzuri, au la? Eleza. * Ni mtazamo gani mmoja unaohitaji kuwa nao ili kutumia zana hizo kwa matokeo zaidi katika jitihada zako binafsi za kujifunza Biblia? Eleza.

4