Kutafsiri Biblia: Capstone Module 5 Swahili Student Workbook

2 1 6 /

K U T A F S I R I B I B L I A

wakiwa na vyeo rasmi kama vile “Mzee Hivi na Hivi” na “Askofu Vile na Vile” wanahubiri mafunuo yao mapya makanisani na kwenye vyombo vya habari. Idadi kubwa ya wengi wa walimu hawa wapya wako huru kabisa, hawako chini ya aina yoyote ya mamlaka ya kiroho au ushirika ambao unaweza kuwalinda dhidi ya nafsi zao wenyewe au dhidi ya makosa yanayoweza kujitokesha katika huduma. Tunawezaje kurekebisha hali hii ya sasa, huku wengi wakidai kuwa na Neno “la kujitegemea” kutoka kwa Bwana, wote wakijitawala na kujiongoza wenyewe na hivyo kufanyika chanzo na mamlaka ya kiroho inayotawala mafundisho yao wenyewe? Kutokana na kazi njema za mamia ya wasomi wenye bidii wanaothamini na kuyapenda maandiko, tunaweza kupata zana nyingi za kitaalamu zinazoweza kutuwezesha kuelewa maana za maandiko ya Biblia. Kusudi muhimu la matumizi yetu ya zana hizi ni kutusaidia kuziba mapengo mbalimbali kati ya ulimwengu wa Biblia na ulimwengu wetu wa sasa. Jambo hili linamsaidia mtafsiri wa Biblia mwenye bidii kuwa mwaminifu zaidi kwa Neno la Mungu kwa kumwezesha kugundua kwa upya maana za maandiko katika muktadha wake wa asili. Zana za msingi za ufasiri wa Biblia ni pamoja na tafsiri nzuri ya Biblia, kamusi za Kiyunani na za Kiebrania zilizowekwa kwenye mfumo wa nambari wa Strong , kamusi thabiti ya Biblia, konkodansi, na vitabu vinavyoaminika vya ufafanuzi wa kieksejesia ambao unazingatia zaidi kutoa maana ya kibiblia ya kifungu. Zikitumiwa katika nafasi na nyakati sahihi, zana hizi zinaweza kuthibitisha namna zilivyo na thamani kubwa katika kuziba pengo kati ya ulimwengu wa Biblia na ufahamu wetu kuhusu ulimwengu huo. Mbali na zana za msingi za ufasiri wa Biblia (yaani, tafsiri nzuri ya Biblia, kamusi za Kiyunani na za Kiebrania, kamusi ya Biblia, konkodansi, na vitabu vya ufafanuzi wa kieksejesia unaoaminika), kuna zana za ziada zinazoweza kuboresha uelewa wetu wa Neno la Mungu. Hizi ni pamoja na tafsiri kadhaa tofauti za Biblia, atlasi ya Biblia na kitabu cha mwongozo wa Biblia, Biblia yenye mada, kamusi ya theolojia, na vitabu vya ufafanuzi wa kitheolojia. Kila moja ya zana hizi inaangazia changamoto fulani ya ufasiri wa Biblia, yakiwemo masuala ya lugha, utamaduni, historia, na theolojia. Kama ilivyo kwa zana yoyote, ni lazima tuwe waangalifu kuzitumia kwa madhumini ya kuongeza ujuzi wetu wa maandiko, bila kukanusha au kudharau ujumbe muhimu wa Biblia inapozungumzia wokovu wetu katika Kristo Yesu.

Mapitio ya Tasnifu ya Somo

4